Jeremías 27:14 - La'aqtaqa Ñim Lo'onatac 'Enauacna 2013

¹⁴ Qaq saishet qome da qaualaqaitapeeguet ne'ena na'aqtaxanaxanecpi maye qami' 'eetegalo naxa da saishet da qanañañiỹot ñi nta'a ye Babilonia, cha'aye dam qami' ỹa'axatteguema naxa damaye choche shepegaxanaxac.

Jeremías 27:14 Referans Kwoze

Jeremías 14:14

Qaq huaña nache Ñim Nataxala' aỹem ỹasateguet, 'eeta': «De'era ỹa'axattac na nam na'aqtaxanaxanecpi da 'eetega ỹachegoxotchigui da ỹe'enaxat, damaye choche latenataxanaxac. Aỹem saishet da samaq namayepi, qataq saishet co'ollaxa da sanem ca ỹamaxasoxonaxac qataq saishet da setaqtague'. De'era lauanaqchec saq 'en, nloxoc maye natenataxanaxac, maiche ỹo'ot dam ipettega da 'eetec. Qaq 'era dam ỹa'axatteguec nam na'aqtaxanaxanecpi.»

Jeremías 23:21

«Aỹem, saishet co'ollaxa da samaq ne'ena na'aqtaxanaxanecpi, qataq saishet co'ollaxa da setaxaỹot namayepi, qalaxaye namayepi maiche nqalgoqtac da ỹa'axatec da ỹe'enaxat.

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

Filipenses 3:2

Qaq maxatchaxa, qarvichiỹa'aguet qome na shiỹaxauapi maye nqaigaxat, qataq ỹo'otta'ape naua qauema, qataq ipelectac na lo'oc.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Miqueas 2:11

Qaq da huo'o ca choche datenataxaatac, da 'eeta': «Aỹem sa'axatta'aguet nam ỹataqta no'on lataxapi». Qaq nacheca ca ỹataqta 'eesa naqa'en da na'aqtaxanaxanec ne'ena nhuo' le'ecpi.

Jeremías 28:15

Qaq huaña, nache so Jeremías 'enapega so Jananías, 'eeta': «¡Ñaq aỹem 'ana'axaỹaxana 'am Jananías! Ñim Nataxala' saishet co'ollaxa da 'am namaq, qaq 'am 'aỹa'aateguem ne'ena nhuo' le'ecpi da ỹa'amaqten da 'aratenataxanaxac.

Jeremías 23:25

Aỹem, sa'aqtega da nashepegaxanaxac ne'ena na'aqtaxanaxanecpi, da 'eetega ỹa'axattac da ỹe'enaxat, qataq 'eetega ña'aqtaxaatague' da huaigui na lchoxonaxacpi.

Jeremías 37:19

¿Cam hueta'ague que'eca na'aqtaxanaxanecpi, maye 'eetega saishet da anac ñi nta'a ye Babilonia, da iloquiaxan 'am qataq na hueta'a ne'ena 'alhua?

Jeremías 38:22

'Enauac na 'alpi maye no'onaigui ñi lma' lta'araic ñi nta'a, qanqatec qome nache qoỹanem na ltauapi ñim nta'a ye Babilonia, qaq anamayepi qome maiche, 'eeta': Nam ỹataqta nauochaxauapi ñi nta'a qalaq ỹatenachet nache loxonec, qataq hua'aqta'a ñimaye da petangui na nshaxa, qataq saishet da qochetega.

Lamentaciones 2:14

Naua lauanaqcheco maye 'am ỹa'axatema co'ollaxa som 'ara'aqtaxanaxanecpi, naamaye ỹataqta 'am ỹatenache't. Cha'aye saishet da 'am ỹachaxanalo naua 'arasouaxashe'ete, da yaqto' 'am 'avita'aguet da 'am qaỹauega ca ỹaqaqa'a 'alhua, nacherata da ỹo'ot da 'aua'amaqte'n naua lauanaqcheco maye saq'e'n.

Zacarías 10:2

Cha'aye na ne'enaqtac atamnaxala'pi, saq 'e'n naua la'aqtaxanaxaco, qataq na huo'oi l-loxoco, qalaq saq 'e'n naua lauanaqcheco. Nam ỹa'axata'api qalaq qaica ca naigui, qataq naua la'aqtaqa, da huotaique da da'añaqtaxan qalaq qui'itchiguilo. Qaq ỹoqo'oye na shiỹaxauapi choche tata'acra', 'eeta'am aca qaguetapi, qataq huo'o da nque'eenaxac souaxat da qaica ca ilo'ogue.