Jeremías 27:12 - La'aqtaqa Ñim Lo'onatac 'Enauacna 2013

¹² Qaq aỹem Jeremías, sepagaqchiichigui co'ollaxa da sa'axatem ne'enaua na'aqtaqa ñi Sedequías maye nta'a na Judá qataq nataqa'en shenapega, sheeta': «Qanañañeeguet qome da la'añaxac ñi nta'a ye Babilonia qataq nam lauo' le'ecpi yaqto' qanca'alleeuec.

Jeremías 27:12 Referans Kwoze

Jeremías 38:17

Nache so Jeremías, 'enapega so nta'a Sedequías, 'eeta': Ñim Nataxala' maye Qaica ca Ỹaqalanapec, qataq Natamnaxala' na Israel le'ecpi, 'eeta': Da 'anañanot nam ltauapi ñi nta'a ye Babilonia, nache 'am qataq na 'aỹa'alaqpi nca'alec qome, qataq ne'ena huaqta'a't nỹecpi saishet qome da qoỹegueua'a.

Jeremías 28:1

Qaq so ca'agoxoic cinco, maye nache huaigui se'eso vi'i, qaq de'era 'eeta', co'ollaq mashe ivi' soua cuatro vi'iye da lo'onataxanaxac so Sedequías da nta'a ye Judá, nache so na'aqtaxanaxanec Jananías, som llalec so Azur, maye lma' co'ollaxa ye Gabaón, somaye detaxaỹot so Jeremías huaña aso atamnaxaqui ỹauaachigui naqa'en so ntaxaỹaxanaxanecpi, qataq 'enauac so nhuo' le'ecpi nache, 'eeta':

Jeremías 27:8

Qaq da huo'otaq huo'o ca ỹotta'a't shiỹaxauapi, huo'otaq nta'alpi da saishet nañanot ñi Nabucodonosor, nache Aỹem sauo'o qome ca nhuaxanaguec serolec ca alaataxac, nqouaxa qataq napiina, nache choche ivitta'a da nañaneguet da lamaxasoxonaxac ñi Nabucodonosor. Qaq 'era da ỹa'aqtac Aỹem Nataxala'.

Proverbios 1:33

Qalaxaye ca aỹem na'axaỹaxana, qalaq huo'o qome da l-lagaxayec, qataq saishet da ñe'etaique ca qauem.»

Jeremías 17:4

Qaq 'am qoca'ai qome nam 'alhua maye 'am sanem co'ollaxa da 'aralamaxat, nache so'ot da 'am l-lata na 'ampa'aguenaxauapi, da qoueta'a cam 'alhua maye saishet da 'auauana, cha'aye da ỹayeloxo 'eroigui, 'eeta'am ca norec da 'am ỹavigaxatta qome.»

Jeremías 28:2

Ñim Nataxala' maye Qaica ca Ỹaqalanapec, maye Natamnaxala' na Israel le'ecpi, 'eeta': «Aỹem selaxachigui qome da lo'onataxanaxac ñi nta'a ye Babilonia, nache

Jeremías 42:11

Qaq saishet qome da qaye'eetega ñi nta'a ye Babilonia, ñim ỹataqta qarcolanaxache. Saishet da qaye'eetega ñimaye, cha'aye Aỹem qami' soota'agueta, da yaqto' qami' ñeca'alaxatrec, qataq qami' sesoueeguesopa da la'añaxac ñimaye. Qaq 'era da ỹa'aqtac Aỹem Nataxala'.

Jeremías 21:9

Qaq cam no'onaña ne'ena huaqta'a't nỹecpi, qalaq ileuaigui qome ca alaataxac huo'otaq ca nqouaxa huo'otaq ca napiina. Qaq cam nañaneguet na caldeopi maye coleesop nagui na huaqta'a't nỹecpi, camaye saishet qome da ileu, nacherata da nca'alec qome.