Jeremías 27:11 - La'aqtaqa Ñim Lo'onatac 'Enauacna 2013

¹¹ Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

Jeremías 27:11 Referans Kwoze

Jeremías 27:8

Qaq da huo'otaq huo'o ca ỹotta'a't shiỹaxauapi, huo'otaq nta'alpi da saishet nañanot ñi Nabucodonosor, nache Aỹem sauo'o qome ca nhuaxanaguec serolec ca alaataxac, nqouaxa qataq napiina, nache choche ivitta'a da nañaneguet da lamaxasoxonaxac ñi Nabucodonosor. Qaq 'era da ỹa'aqtac Aỹem Nataxala'.

Jeremías 27:2

nache 'eeta': 'Auo'ot ca 'arañec qataq ca nauegaxanaxaqui 'epaq, nache 'aỹa'ano'ot na 'arana'q.

Jeremías 21:9

Qaq cam no'onaña ne'ena huaqta'a't nỹecpi, qalaq ileuaigui qome ca alaataxac huo'otaq ca nqouaxa huo'otaq ca napiina. Qaq cam nañaneguet na caldeopi maye coleesop nagui na huaqta'a't nỹecpi, camaye saishet qome da ileu, nacherata da nca'alec qome.

Jeremías 38:2

«Ñim Nataxala', 'enapec: Cam no'onaña na huaqta'a't nỹecpi nache camaye ileuaigui qome ca alaataxac, huo'otaq ca nqouaxa, huo'otaq ca napiina. Qalaxaye cam ca'ai namaye, qataq nañaneguet na caldeopi, nache camaye nca'alec.

Jeremías 27:12

Qaq aỹem Jeremías, sepagaqchiichigui co'ollaxa da sa'axatem ne'enaua na'aqtaqa ñi Sedequías maye nta'a na Judá qataq nataqa'en shenapega, sheeta': «Qanañañeeguet qome da la'añaxac ñi nta'a ye Babilonia qataq nam lauo' le'ecpi yaqto' qanca'alleeuec.

Ezequiel 28:25

Qaq Aỹem Nataxala', shenapec: Llaỹona't qome na nhuo' Israel le'ecpi, sachegoxotelec nam ỹotta'a't shiỹaxauapi maye ỹalectaigui, nache sachaxana da qui'itta ỹataxac ỹauaachigui ñaqa'en na ỹotta'a't shiỹaxauapi. Nache na Israel le'ecpi nalec qome ye maiche na'alhua, yem 'alhua maye sanem co'ollaxa som ỹamaxashec Jacob.