Jeremías 26:6 - La'aqtaqa Ñim Lo'onatac 'Enauacna 2013

⁶ huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Jeremías 26:6 Referans Kwoze

Jeremías 24:9

Qataq so'otec qome namayepi, cam ỹataqta ỹo'ot da lli'iỹaxa 'enauac nam ỹotta'a't shiỹaxauapi ana 'alhua, qataq namayepi qaica qome ca 'enec qanqa'en, qataq saqaỹaconeguet, qataq qauem qome ca talec 'enauac nam 'alhuapi maye selagaxaalec namayepi.

2 Reyes 22:19

nache ỹataqta huo'o da 'antogotaxac, qataq da 'anmanaxac da 'ana'axaỹaxana nam sa'axata'a da talec ne'ena 'alhua, qataq nam netalecpi namaye, da taỹa'a da ñelaxaañi qataq talec da qauem ỹa'aqtac, qaq souaxat da 'ancolaxata'aisalo naua 'ogo, qataq da aỹem 'anỹeeto'ot, qaq Aỹem, nataqa'en 'am sa'aqchigui. 'Era da ỹa'aqtac, aỹem Nataxala'.

Jeremías 25:18

Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.

Isaías 65:15

Nam lleca'aguishecpi do'onataxana qome na qare'enaxache da yaqto' ỹasaxalec ca qauem ca lỹa, qataq da ỹasaxale da nleuaxa ca lỹa, qalaxaye nam ỹamaxashecpi ñaralaxat qome ca le'enaxat.

Malaquías 4:6

Qaq camaye, ỹo'ot qome da na nta'alpi nmane' na llalaqpi, qaq da saishet da nmana't namayepi, nache Aỹem ñanac qome da sauo'o ca nhuaxanaguec nam na'alhua, nache ỹataqta imauec da ñelaxatchiguiñi qome.»

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 29:22

Yaqto' nam qanqateeguesop co'ollaxa ye Judá maye netaña nagui ye Babilonia da huo'o ca ỹasaxalec ca qauem la'aqtac ca lỹa qalaq, 'eeta': Ñim Nataxala', 'am ỹo'otec qome ca 'eeta'am dam ỹo'otec co'ollaxa soua Sedequías qataq so Ahab, maye ñi nta'a ye Babilonia ỹauo't co'ollaxa.

Isaías 43:28

som nta'alpi maye 'am ilotague' co'ollaxa ishepaxanaqchet añi ỹalamaqte atamnaxaqui, qaq ỹoqo'oye sa'aqta'a co'ollaxa so Israel, maye chegoxoguet so Jacob da qailaxachigui qataq qaisheueetac.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Zacarías 5:3

Qaq huaña nache so namaxashec aỹem da'aqtaxanem, 'eeta': «Asa'aso nere nache nanettalec, nam qauem maye talec qome 'enauac ne'ena 'alhua. Qaq som nanettalec asomaye, 'eeta': Cam decache, huo'otaq ca datenataxan da ỹan ca la'aqtac, camaye talec ca nhuaxanaguec.

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Lamentaciones 2:15

Qaq da 'am ila'a nam quetague' so nqa'aic, nache iuaxaata'a't naua lhuaxaye da 'am ỹe'eetac. Yo'oxootagui, qataq iconnaxaatac na lqaic da le'enaxanaxac, da detaqtega nam huo'o da lyac Jerusalén qalaq, 'eeta'; «¿Peta'a nachena ne'ena, nam nỹecpi maye qaỹamata'ac qaica ca 'ena'am da lyac, nam ỹo'ot naxa da ntonaxac 'enauac nam netalec ana 'alhua?»

Lamentaciones 2:16

'Enauac na 'ampa'aguenaxauapi detaqtagui da 'am dataỹa'aguet, yo'oxootagui, qataq ỹo'o't naua lame'ete da 'am detaqtega, 'eeta': «Mashe 'enauac da selaxataxagui. ¡Qaq 'ena nam na'a'q maye mashe huo'oi na'axa'te da seuataqtaique, qaq mashe nvi' namaye, nagui nache sauanaqchigui!»