Jeremías 26:24 - La'aqtaqa Ñim Lo'onatac 'Enauacna 2013

²⁴ Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

Jeremías 26:24 Referans Kwoze

Jeremías 39:14

damaxasoxoolec da qanqateeguesop so Jeremías so qasoxoc maye nauanaxanaqa', nache qaipataxaguet so Gedalías som llalec so Ahicam qataq laual so Safán da yaqto' ỹauega so Jeremías so maiche lma'. Qaq 'era da 'eetec da so Jeremías ỹe'eguelaxa da netaigui se'eso huaqta'a't nỹecpi.

1 Reyes 18:4

qaq ỹoqo'oye aso Jezabel, co'ollaq damaxasoxoolec da qaỹalauat so la'aqtaxanaxanecpi Ñim Nataxala', nache somaye cincuenta naqa'en so nqañoxotoigui ñi 'oonolec soua dos auaco, qataq ỹaata'am co'ollaxa aso nauole qataq so 'etaxat.

Apocalipsis 12:16

Qalaxaye ana 'alhua itauan asa'aso 'alo: nache huo'o so lauac anamaye, 'eeta'am da alap, nache iuoxonañi 'enauac se'eso 'etaxat maye iquetetec so shiguiỹac leguemaxaic.

Hechos 27:43

Qalaxaye som lta'a so huataxanaqpi huotaique da nca'alaxatec so Pablo, nache saishet da ỹashenem somayepi da dalaataxan; chaqrata da ỹan da la'aqtac da ca ỹaỹaten da laloxonaxac, nache ishet da hua'auta'ata so 'alhua da daloxoota.

Hechos 23:10

Nache ỹataqta lta'araic da cotaxac. Nache som huataxanaq lta'a ỹataqta huo'o da lcolanaxa da qaỹalauat so Pablo. Qaq ỹoqo'oye damaxasoxoneuga somaye da qaltaq qaỹauegueua'a so lma' na huataxanaq.

2 Crónicas 34:20

nache sanaỹaloxon da 'enapega so Hilcías, qataq so Ajicán, som llalec so Safán, qataq so Abdón, som llalec so Micaías, qataq so Safán maye neraxanaxanec, qataq so lamaxashec Asaías, 'eeta':

2 Reyes 25:22

Qaq so Nabucodonosor maye nta'a ye Babilonia, ỹanagui da nta'a so Gedalías, som llalec so Ajicán, qataq laual so Safán, da yaqto' ilo'ogue som shiỹaxauapi maye somaye no'onaxatalec co'ollaxa ye Judá.

Jeremías 29:3

Qaq asa'aso nere ỹache qanqa'en so Elasa som llalec so Safán qataq so Gemarías som llalec so Hilcías, soua ỹama'q co'ollaxa so Sedequías maye nta'a ye Judá, da ỹamaxaregue da Babilonia da yaqto' nqo'ooreua'a so nta'a Nabucodonosor. Qaq aso nere da huetalec, 'eeta':

Jeremías 36:10

Nache so Baruc nqo'oneua'a so nqasoxoc lta'araic aso atamnaxaqui, nache ñichiguiña so Dalaxaic Lasom, qataq naloteuga so lo'onataxanaxaqui so Gemarías som llalec so Safán, nache so Baruc itaxaỹaxan aso nere maye huetalec na la'aqtacpi so Jeremías, hua'aqchigui naqa'en 'enauac so shiỹaxauapi.

Jeremías 36:11

Qaq so Micaía som llalec so Gemarías qataq laual so Safán, co'ollaq hua'aqchigui 'enauac da la'aqtaxanaxac Ñim Nataxala' maye huetalec aso nere maye itaxaỹaxaatac so Baruc,

Jeremías 36:12

nache somaye nqo'oneua'a so lma' lta'araic so nta'a, tateua'a so lo'onataxanaqa' so neraxanaxanec, maye hueta'a 'enauac som 'amaqtaqaicpi nataxala'pi: So neraxanaxanec Elisama, qataq so Delaía som llalec so Semaías, so Elnatán som llalec so Acbor, so Gemarías som llalec so Safán, so Sedequías som llalec so Jananías, qataq som laỹepi nataxala'pi.

Jeremías 36:19

Nache somayepi 'enapega so Baruc, 'eeta': ¡Hua', 'am qataq ca Jeremías qanqañoxochiiñi qome, qaq no'on qome da qaica ca ỹaỹaten ca qoñeeta'a!

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Ezequiel 8:11

Qaq so Setenta nqueroxonecpi, maye lataxala' na Israel le'ecpi datato'ot se'eso ne'enaqtacpi, qaq somayepi nache ỹalectaigui so Jazanías som llalec so Safán da ỹo'oreettac se'eso nqolacpi. Qaq ñi 'oonolec somayepi nasoqta'a so laỹe' na nchenaxanaxat, qaq nache chegoqtapiguingui da naỹoxoosheguem so sansattec lmala'q na nchenaxanaxat.