Jeremías 26:21 - La'aqtaqa Ñim Lo'onatac 'Enauacna 2013

²¹ Qaq so nta'a Joaquim, qataq so ltauapi somaye qataq so nataxala'pi co'ollaq hua'aqchigui dam la'aqtac somaye, nache so nta'a huotaique da damaxasoxoolec da qaỹalauat. Qalaxaye so Urías co'ollaq ỹaỹaten de'era nache somaye huo'o da lcolanaxa, nache datauec taỹa ye Egipto.

Jeremías 26:21 Referans Kwoze

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Mateo 14:5

Qaq so Herodes huotaique da ỹalauat so Juan. Qalaxaye sa ỹañoxot cha'aye huo'o da lcolanaxa na shiỹaxauapi. Cha'aye qalota na ỹa'amaqten da so Juan ỹataqta 'eesa da la'aqtaxanaxanec Ñim Lo'onatac 'Enauacna.

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

2 Crónicas 16:10

Huaña nache so Asa, ỹataqta dalemataỹa so na'aqtaxanaxanec, nache damaxasoxoolec da qoỹanaigui aso ncoñetaxanaxaqui. Nataqa'en nache huetoiguilo se'esoua na'axa'te da so Asa, huo'o so ỹataqta sa iyacnapecpi se'eso nhuo' le'ecpi.

Mateo 10:39

Qaq ca nshetaique da maiche nca'alaxatec da maiche nachaalataxac, nache camaye deqat. Qalaxaye ca saishet da iteetega da nachaalataxac souaxat da Aỹem quetague', nache camaye nca'alec.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Salmos 119:109

Cha'aye da ñachaalataxac nache queta da huetaigui da lchecỹaxac, qalaxaye saishet da secoua'aisalo naua 'arqataxaco.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

Jeremías 26:10

Qaq som nataxala'pi ye Judá co'ollaq ỹaỹaten de'era, nache chegoqchiguiña so lma' lta'araic so nta'a da taita aso atamnaxaqui, qaq co'ollaq ivitta som le'enaxat Dalaxaic Lasom nache nso'ooñi.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

1 Reyes 18:10

Aỹem sanot da ỹa'aqtac Ñim Nataxala' maye 'Anatamnaxala', da ỹoqta 'eesa da shenapec, da so nta'a, qaica ca sa ivira'a naqa'en na lamaxashecpi na laỹe 'alhuapi da 'am nmittaique. Qaq naxa da huo'o na, 'eeta': «Saishet da hueta'a ne'ena», nache somaye 'enapega nam netaña ne'enaua 'aleu' da ỹan da la'aqtac, da ỹataqta 'eesa da saishet da 'am qaỹanata.