Jeremías 26:20 - La'aqtaqa Ñim Lo'onatac 'Enauacna 2013

²⁰ Qataq nataqa'en so na'aqtaxanaxanec Urías, som llalec so Semaías, maye lma' ye Quiriat Yearín, ỹachegoxotchigui co'ollaxa da le'enaxat Ñim Nataxala' da ỹa'axata'a dam 'eetec qome ne'ena huaqta'a't nỹecpi qataq ne'ena 'alhua, 'eeta'am nagui da 'eetec da Jeremías.

Jeremías 26:20 Referans Kwoze

1 Samuel 7:2

Qaq mashe inoxoorec co'ollaxa soua veinte vi'iye da netaña ye Quiriat Yearin aso arca maye laỹe' da aỹamaxataxac, nache 'enauac so Israel le'ecpi ỹataqta nmittaique Ñim Nataxala'.

Josué 9:17

Huaña co'ollaxa nache so Israel le'ecpi jec da yaqto' nmitrapigui se'esoua Gabaón lashe'. Qaq co'ollaq mashe inoxoorec soua tres na'axa'te nache qaivireua'a ye Gabaón, Querifá, Berot qataq so Quiriat Yearin, huaqta'a't nỹecpi maye lalamaxat som gabaoniitapi.

1 Samuel 6:21

Nache somayepi ỹamaxa da la'aqtac so lma' ye Quiriat Yearin, 'eeta': «Ye filisteopi qomi' ñe'eguelaxatalo añi laỹe' da naỹamaxataxac Ñim Nataxala', qaq ỹoqo'oye qauanaqui qome, nache qoquiỹot añimaye.»

Josué 18:14

Huaña nache se'eso loga't taỹauga aso auaxai Mediterráneo yem loigue maye pa'aỹa'ague da la'añaxa añi qasoxonaxa maye nalotta ye Bet Jorón, nache ivitta'a ye Quiriat Baal, maye nataqa'en le'enaxat Quiriat Yearin, maye lalamaxat so chegoxoguetpi so Judá. Qaq 'eso so loga't maye pa'aỹa'ague da avit.

Josué 15:60

Nataqa'en so huaqta'a't nỹecpi ye Quiriat Baal, maye lỹa le'enaxat da Quiriat Yearin, qataq ye Rabá, nache lỹaueegue' so lauoreuapi nma'piolec.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Jeremías 36:19

Nache somayepi 'enapega so Baruc, 'eeta': ¡Hua', 'am qataq ca Jeremías qanqañoxochiiñi qome, qaq no'on qome da qaica ca ỹaỹaten ca qoñeeta'a!

1 Reyes 18:10

Aỹem sanot da ỹa'aqtac Ñim Nataxala' maye 'Anatamnaxala', da ỹoqta 'eesa da shenapec, da so nta'a, qaica ca sa ivira'a naqa'en na lamaxashecpi na laỹe 'alhuapi da 'am nmittaique. Qaq naxa da huo'o na, 'eeta': «Saishet da hueta'a ne'ena», nache somaye 'enapega nam netaña ne'enaua 'aleu' da ỹan da la'aqtac, da ỹataqta 'eesa da saishet da 'am qaỹanata.

2 Reyes 23:37

Qalaxaye somaye ỹo'ot nam ỹataqta saỹaỹamaxaren Ñim Nataxala', nache icaachigui 'enauac nam ỹo'otpi co'ollaxa so hua'au lta'alpi.