Jeremías 26:16 - La'aqtaqa Ñim Lo'onatac 'Enauacna 2013

¹⁶ Nache so nataxala'pi qataq so nhuo' le'ecpi 'enapega so ntaxaỹaxanaxanecpi qataq so na'aqtaxanaxanecpi, 'eeta': «De'era ỹale qaica ca lasouaxashet, cam ỹo'ot da ishet da qaỹalauat, cha'aye dam qomi' da'aqtaxaateguema damaye chegoqo'ot Ñim Nataxala' maye Qanatamnaxala'.»

Jeremías 26:16 Referans Kwoze

Hechos 23:29

Huaña, nache saỹaten da choche huasoitapeguelec nam maiche nqataxacpi namayepi, qaq qaica cam ỹoqta huasoilec namaye da yaqto' qaỹalauat, huo'otaq da qaicoñettai'.

Hechos 23:9

Nache 'enauac somayepi ỹa'alaqtagui; nache huo'o na nachaañi nam dapaxaguenataxaatapeguec na namaxasoxonaxacpi maye nache laỹepi na fariseopi. Nache namayepi 'eeta': –De'era ỹale, damaye saishet da huo'o ca ỹo'ot sa ỹaỹamaxañi, cha'aye saiuena'a da huo'otaq huo'o cam detaqtague' nam namaxashec piguem le'ecpi, huo'otaq nam saq cha'api na'añaxac. Qaq no'on da saishet qome da ñepa'aguenaqtague' Ñim Lo'onatac 'Enauacna.

Hechos 25:25

Qalaxaye aỹem saishet da sela'a da huo'o ca lasouaxashet da yaqto' naigui ca nalaataguec damaye. Qalaxaye damaye ye maiche iỹaxaneua'a da yaqto' nmit cam nta'a Augusto, qaq aỹem mashe sasateguet damaye da yaqto' samaxague da Roma.

Jeremías 36:25

Qaq so Elnatán, so Delaía qataq so Gemarías, nachoxoreetacoto co'ollaxa so nta'a da saishet da ỹavigaxat aso nere, qalaxaye so nta'a saishet da ỹalaq,

Jeremías 36:19

Nache somayepi 'enapega so Baruc, 'eeta': ¡Hua', 'am qataq ca Jeremías qanqañoxochiiñi qome, qaq no'on qome da qaica ca ỹaỹaten ca qoñeeta'a!

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Jeremías 26:11

Huaña nache so ntaxaỹaxanaxanecpi qataq so na'aqtaxanaxanecpi, da'aqtaxanem so nataxala'pi qataq so nhuo' le'ecpi, 'eeta': «De'era ỹale iuen da qaỹalauat, cha'aye ỹa'axatta'a da qailaxachigui qome ne'ena huaqta'a't nỹecpi. Qaq qami' qaua'aqaichigui damaye.»

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Ester 4:14

Qaq nagui da 'añe'emaxat, qataq da qaica ca 'ara'aqtac, nache ca lca'alaxa na judiopi huo'o qome ca lỹa chegaqa'ague, qalaxaye 'am qataq na llalaqpi so 'arta'a, qaullivi qome. ¡Qaq souaxai' nachera da huo'omshe 'aviraua'a da 'am nate'e, da yaqto' qomi' 'autauan de'era souaqaigui!»

Jeremías 34:10

Nache 'enauac so nataxala'pi qataq som shiỹaxauapi, ỹaỹamaxareeta se'eso aỹamaxataxac, nache ỹaxanec 'enauac so l-latacpi, nache saishet da qaltaq dequicto'ot da ỹamaqtac somayepi.

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.

Salmos 94:16

Qaq ¿negue't ca nachaañi co'ollaxa da aỹem iueelec da nqanaxat na 'etaxaloxoicpi? Qataq ¿negue'tom ca huetaua'a na ỹaỹe da aỹem itauan da nqanaxat na qauemaicpi?