Jeremías 26:15 - La'aqtaqa Ñim Lo'onatac 'Enauacna 2013

¹⁵ Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

Jeremías 26:15 Referans Kwoze

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Mateo 26:25

Nache so Judas, maye nacheso so ỹaneuo co'ollaxa So Jesús, nataqa'en denataxano', 'eeta': –'Am Napaxaguenataxanaq, ¿peta'a nachaỹem? Nache So Jesús 'enapeco': –Aja', nache 'am.

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Jeremías 2:34

Naua 'ogo qalaq huaguilo na ntago'q nam ltago'q na choxoraqpi qataq nam qaica ca ỹasouaxat, nam shiỹaxauapi maye saỹauano' da 'auauanalec da ỹo'ottac ca qauem.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

Deuteronómio 19:10

Qaq da nache qoñiitec de'era nache saishet da qarasouaxashichi da qaicoraxatrec caua ltago'q ca qaica ca ỹasouaxat, yi'iye 'alhua maye qami' ỹanema qome Ñim Nataxala', maye Qanatamnaxala'ai, qataq saishet da qarasouaxashechi da huo'o ca qaỹalauat.

Génesis 42:22

Nache so Rubén 'enapeco': «Aỹem qami' sheetegalo mque' caillaye da saishet da huo'o ca qoñiỹa'ac so nsoqolec, qalaxaye qami' saishet da aỹem qaualaqaiguet. Qaq nagui iuen da qomi' sesheetenaq da l-leuaxa somaye.»

Génesis 4:10

Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Proverbios 6:16

Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Jeremías 26:12

Nache so Jeremías da'aqtaxanem so nataxala'pi qataq so nhuo' le'ecpi, 'eeta': «'Enauac nam mashe qaua'aqaichigui, nacheñi Ñim Nataxala' Ñim aỹem ỹamaxalec da sa'axata'a, cam talec qome ana'ana atamnaxaqui qataq ne'ena huaqta'a't nỹecpi.

2 Crónicas 24:22

Qaq so nta'a Joás, icoua'ai da lauotaxanaqtaic co'ollaxa so Joyadá, som lta'a so Zacarías, nacherata da ỹalauat so Zacarías, som 'enapec co'ollaq mashe yaqta'a da ileu, 'eeta': «Ñim Nataxala' maye ỹauaachigui de'era nacheñi qome ñim 'am nmit.»

Jeremías 30:1

'Era da la'aqtac Ñim Nataxala' maye ỹami' so Jeremías, 'eeta':