Jeremías 25:3 - La'aqtaqa Ñim Lo'onatac 'Enauacna 2013

³ «Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 25:3 Referans Kwoze

Jeremías 26:5

qataq da saishet da qauqocheetega da lvitaqtaxanaxac so ỹamaxashecpi maye ỹa'aqtaxanaxanecpi, maye ỹe'eguelaqtalec da qami' ñamaxalo, som sa qaualaqaiguetpi,

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Jeremías 1:2

Ñim Nataxala' detaxaỹot co'ollaxa so Jeremías, co'ollaq so Josías maye llalec so Amón, mashe ivi' trece vi'iye da lo'onataxanaxac da nta'a ye Judá.

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.

Jeremías 29:19

Cha'aye saishet da qaualaqaiguet dam ivitaqtaxanaxac maye qami' sanema co'ollaxa chegoqchigui ñaqa'en som ỹamaxashecpi maye ỹa'aqtaxanaxanecpi, maye qalota naxa da qami' ñamaxalo qalaxaye qami' saishet da qana'axaỹaxañiỹa. Qaq 'era da ỹa'aqtac Aỹem Nataxala'.

2 Crónicas 34:8

Qaq co'ollaq ivi' soua dieciocho vi'iye da lo'onataxanaxac so Josías, co'ollaq ime da iqui'itaxat yi'iye 'alhua qataq aso atamnaxaqui, nache ỹamaq so Safán, som llalec so Azalía, ỹamaxa so nta'a Maseías maye ilotague' som huaqta'a't nỹecpi, qataq so leraxanaxanec Yoaj, som llalec so Joacaz, da yaqto' ỹaỹamaxaañi aso atamnaxaqui maye lalamaqte Ñim Nataxala' maye Natamnaxala'.

2 Crónicas 34:3

Qaq co'ollaq ivi' soua ocho vi'iye da lo'onataxanaxac, co'ollaq ñaq nsoqolec so Josías, nache somaye nmitaique Ñim Natamnaxala' som chegoxoguet David. Qaq so vi'i doce da lo'onataxanaxac, nache ỹacoolec da iqui'itaxat ye Judá qataq ye Jerusalén nqateua'a so atamnaqa'pi maye huaña so qaỹoqotcheguemec, qataq so lqui'ipi aso Asera qataq so nqolacpi, qataq so ne'enaqtacpi maye chegaqaigui so nqatelliguishec lcat,

2 Timoteo 4:2

Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

Juan 8:47

Nam llalaqpi Ñim Lo'onatac 'Enauacna, ỹataqta na'axaỹaxaachigui 'enauac nam la'aqtacpi Ñimaye. Qalaxaye qami' saishet da qana'axaỹaxañiỹa, cha'aye saishet da qami' llalqa.

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

Marcos 1:35

Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 25:4

Qaq na'aictaxa da Ñim Nataxala', ỹe'eguelaxattalec da qami' namaxalo so lamaxashecpi maye la'aqtaxanaxanecpi, qalaxaye qami' saishet co'ollaxa da qauqochiitega somayepi, qataq saishet da qana'axaỹaxañiỹa qataq saqaualaqaiguet.

Isaías 55:2

¿Ta'ainco' da qaỹa'añeeuec ana qo'omi da nmeneguet qanqa'eñi cam saishet da qanallec? ¿Ta'ainco' da qaỹa'añeeuec ana lasheue da qaro'onataxanaxaqui da nmeneguet qanqa'eñi cam saishet qami' icomaraqche't? Ñaq Aỹem qana'axaỹaxañiỹa yaqto' qolliqui qome ca no'on nallec, qataq cam nallec maye ỹataqta no'on da lamaic.

Salmos 81:13

¡Qamaq taxa da aỹem na'axaỹaxana ne'ena ỹalamaxat nhuo' le'ecpi! ¡Qataq da quetegue taxa da ñeqa'aicỹaxac ne'ena Israel le'ecpi,

1 Reyes 22:3

Nache so nta'a ye Israel 'enapega so ltauapi, 'eeta': ¿Qami' peta'a sa qauaỹachiñi da qaralamaxat ye Ramot maye huaigui ye Galaad? Qalaq ¿ta'ainco' da qaica ca shenaqa'ac ñi nta'a ye Siria da yaqto' qomi' ỹe'eguelaxatoto yemaye?

Éxodo 8:20

Nache Ñim Nataxala' 'enapega so Moisés, 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, cha'aye qonte' naxaama so tala ñemaxa. Ime, qaq qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

2 Crónicas 34:1

Qaq so Josías, mashe ivi' soua ocho vi'iye da nachaalataxac co'ollaq ỹacoolec da lo'onataxanaxac, nache ivi' treinta y un vi'iye da lo'onataxanaxac da nta'a, da ilotague' ye Jerusalén.

2 Crónicas 36:15

Qaq Ñim Nataxala', maye Natamnaxala' som hua'au lta'alpi, ỹataqta ñe'eguelaxatta'a co'ollaxa da lvitaqtaxanaxac ỹachegoxotchigui som la'aqtaxanaxanecpi, cha'aye huo'o da lchoxonnataxanaxa som lalamaxat nhuo' le'ecpi, qataq som 'alhua maye netalec somayepi.

Jeremías 7:25

Qaq chegoqchiguiña co'ollaq so qarta'ailpi ca'ai ye Egipto, nache choche ivitta'a nagui, da Aỹem qami' ñamaxalo naxa so ỹamaxashecpi maye ỹa'aqtaxanaxanecpi.

Jeremías 32:33

Aỹem iro'oguet na l-laq, nache saishet da Aỹem datateguet. Qaq na'aictaxa da saishet da saxanec da sapaxagueetac, namayepi saishet da Aỹem ỹalaxaguet qataq saishet da ỹaconeguet da ihuogoqtaxanaxac.

Jeremías 35:14

Nam chegoxoguetpi so Jonadab som llalec so Recab, namayepi ỹalaxalec dam la'aqtac co'ollaxa som chegoxoguet, da saishet da nỹomgui na lataxa, qaq choche ivitta'a nagui da namayepi saishet da nỹomgui na lataxa, cha'aye ỹalaxaguet so la'aqtac som hua'au lta'a. Qaq Aỹem nataqa'en qami' sanema co'ollaxa da ỹa'aqtac, damaye shee'eguelaxattalec, qalaxaye qami' saishet da Aỹem qaualaqaiguet.

Jeremías 36:1

Qaq co'ollaq mashe ivi' soua cuatro vi'iye da lo'onataxanaxac so Joaquim som llalec so Josías da nta'a ye Judá, nache Ñim Nataxala' huo'o so la'aqtac ỹanem so Jeremías, 'eeta':

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

2 Crónicas 24:19

Qalaxaye Ñim Nataxala' namaxa som la'aqtaxanaxanecpi da yaqto' somayepi ỹe'eguelaxa Ñimaye, qalaxaye somayepi saỹalaxaguet da lhuogoqtaxanaxac so na'aqtaxanaxanecpi.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Ezequiel 33:4

Qaq da huo'o ca hua'axaỹa da qaỹashiiyigui aca nasheere nache da saishet da qochetega, qaq da nvireuo ca pa'aguenaxauapi nache da ỹalauat camaye, nache camaye maiche lasouaxashet da l-leuaxa,

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.