Jeremías 25:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe ivi', cuatro vi'iye da nta'a so Joaquim, som llalec so Josías maye da ilotague' ye Judá, nache Ñim Nataxala', ỹamaxa so la'aqtac so Jeremías, maye talec 'enauac so nhuo' le'ecpi ye Judá. Qaq se'eso vi'i nacheso so la'auaxanec vi'i da lo'onataxanaxac so Nabucodonosor da nta'a ye Babilonia.

Jeremías 25:1 Referans Kwoze

Jeremías 36:1

Qaq co'ollaq mashe ivi' soua cuatro vi'iye da lo'onataxanaxac so Joaquim som llalec so Josías da nta'a ye Judá, nache Ñim Nataxala' huo'o so la'aqtac ỹanem so Jeremías, 'eeta':

Daniel 1:1

Qaq co'ollaq mashe ivi' soua tres vi'iye da lo'onataxanaxac so Joaquim, da nta'a ye Judá, nache so Nabucodonosor maye nta'a ye Babilonia ivita ye Jerusalén, nache somaye, qataq som nalleppi coleesop yemaye.

Jeremías 46:2

Qaq 'era da la'aqtaxanaxac da ỹa'axat da 'eetec da taỹa'a ye Egipto, qaq ỹactec da ỹalamaqchigui so nalleppi so faraón Necao som nta'a ye Egipto, maye hueta'a co'ollaxa ye Carquemis, maye hueto'ot na loigue so tala Éufrates, qalaxaye huaña co'ollaxa yemaye nache so Nabucodonosor maye nta'a ye Babilonia loxonec somayepi huetoigui so vi'i cuatro da lo'onataxanaxac da nta'a ye Judá so Joaquim som llalec so Josías:

2 Crónicas 36:4

Qaq so nta'a ye Egipto, nataqa'en ỹanagui da nta'a, da ilo'ogue ye Judá qataq ye Jerusalén so Eliaquín, som lqaỹa so Joacaz, nache naralaxat da le'enaxat ỹanagui da Joacín, qaq so Joacaz qalaq icoñi' nache ỹauega ye Egipto.

2 Crónicas 36:6

Qaq so Nabucodonosor maye nta'a ye Babilonia, jec da iloquiaxan somaye nache loxonec, nache icoñerai' ỹanagui so ncoñetaxanaxat lcat bronce da yaqto' ỹauega ye Babilonia.

Jeremías 1:3

Qaq Ñim Nataxala', nataqa'en detaxaỹot somaye, co'ollaq so Joaquím maye llalec so Josías, do'onataxaatac da nta'a ye Judá, qataq ivitta'a da lo'onataxanaxac so Sedequías maye nataqa'en llalec so Josías, maye ivi' soua once vi'iye da nta'a ye Judá, damaye naigui da ivitta'a so ca'agoxoic cinco se'eso vi'i, co'ollaq so lma' ye Jerusalén noxonecpi nache qaỹauec.

Jeremías 32:1

Ñim Nataxala' detaxaỹot so Jeremías co'ollaq mashe ivi' soua diez vi'iye da lo'onataxanaxac so Sedequías da nta'a ye Judá, qaq so Nabucodonosor qalaq mashe ivi' dieciocho vi'iye da lo'onataxanaxac.

Jeremías 45:1

Qaq so vi'i cuatro da lo'onataxanaxac, da nta'a ye Judá so Joaquim, som llalec so Josías, qaq so Baruc som llalec so Nerías, co'ollaq ñaq ỹetteguiñi da na'aqtaxanaxac maye nasaqtauec so na'aqtaxanaxanec Jeremías, nache so Jeremías 'enapega so Baruc, 'eeta':

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Jeremías 7:1

Ñim Nataxala' detaxaỹot so Jeremías, nache 'eeta':

Jeremías 35:1

Qaq huetoigui som na'a'q co'ollaq so Joaquím, som llalec so Josías da nta'a ye Judá, nache Ñim Nataxala' aỹem detaxaỹot, 'eeta':

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.