Jeremías 24:9 - La'aqtaqa Ñim Lo'onatac 'Enauacna 2013

⁹ Qataq so'otec qome namayepi, cam ỹataqta ỹo'ot da lli'iỹaxa 'enauac nam ỹotta'a't shiỹaxauapi ana 'alhua, qataq namayepi qaica qome ca 'enec qanqa'en, qataq saqaỹaconeguet, qataq qauem qome ca talec 'enauac nam 'alhuapi maye selagaxaalec namayepi.

Jeremías 24:9 Referans Kwoze

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 15:4

Qaq so'otec qome na ỹotta'a't shiỹaxauapi maye netalec ana 'alhua da huo'o da lqaigaxa dam so'otec namayepi, souaxat dam ỹo'ot so nta'a ye Judá, Manasés som llalec so Ezequías maye huaña ye Jerusalén.

Deuteronómio 28:37

huaña nache 'am qañi'iỹa, qataq 'am qane'eetapigui, qataq 'am laloqnaxanaxat 'enauac na ỹotta'a't shiỹaxauapi, maye 'am ỹauega Ñim Nataxala'.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.

Jeremías 29:22

Yaqto' nam qanqateeguesop co'ollaxa ye Judá maye netaña nagui ye Babilonia da huo'o ca ỹasaxalec ca qauem la'aqtac ca lỹa qalaq, 'eeta': Ñim Nataxala', 'am ỹo'otec qome ca 'eeta'am dam ỹo'otec co'ollaxa soua Sedequías qataq so Ahab, maye ñi nta'a ye Babilonia ỹauo't co'ollaxa.

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Jeremías 25:18

Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.

Isaías 65:15

Nam lleca'aguishecpi do'onataxana qome na qare'enaxache da yaqto' ỹasaxalec ca qauem ca lỹa, qataq da ỹasaxale da nleuaxa ca lỹa, qalaxaye nam ỹamaxashecpi ñaralaxat qome ca le'enaxat.

2 Crónicas 7:20

nache aỹem, qami' ñeqateeguesopa qome na 'alhua maye qami' sanema, qataq sheca'ai ana atamnaxaqui maye seỹotauga da yaqto' hueta'a da ỹe'enaxat, nache saneguet da choche ỹe'eetac 'enauac na ỹotta'a't shiỹaxauapi.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.

Ezequiel 26:2

Ye Tiro naxa detaxaỹa ye Jerusalén, 'eeta': Yem llegueuo na ỹotta'a't shiỹaxauapi yemaye hua'axañi. Naua naso'omi qalaq nauatoiguilo nache aỹem nquictasheguem da isallaxa, qaq yemaye qalaq nquicta'a da nlaguiñi.

Ezequiel 25:3

Nache qonapega da na'axaỹaxana da la'aqtac Ñim Nataxala' maye taalec yemayepi, 'eeta': Qami' qaua'alqaitagui da qantonaxaqui co'ollaq qauloỹa'a añi ỹalamaqte atamnaxaqui da qanshepaxanaqchet, qataq co'ollaq qailaxachigui ye 'alhua Israel, qataq co'ollaq noxonec na Judá le'ecpi nache qaỹauega ye ỹaqa'a 'alhua.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 44:12

Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 19:8

Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi.

Salmos 69:11

Qataq da saayiñi naua anogo nasouaxaqui', nache aỹem qane'eetapigui.

Isaías 43:28

som nta'alpi maye 'am ilotague' co'ollaxa ishepaxanaqchet añi ỹalamaqte atamnaxaqui, qaq ỹoqo'oye sa'aqta'a co'ollaxa so Israel, maye chegoxoguet so Jacob da qailaxachigui qataq qaisheueetac.

Ezequiel 5:8

Qaq ỹoqo'oye Aỹem Nataxala', sheeta': Aỹem nataqa'en 'am sataỹa'aguet, 'am Jerusalén, sacoolec da ñemit na 'arasouaxashetpi, ỹauaachigui ñaqa'en na ỹotta'a't shiỹaxauapi.

Ezequiel 23:46

Qaq 'era da la'aqtac Ñim Nataxala': «Ñaq laỹona't qome na nhuo' le'ecpi da dataỹa'agueta soomaye, qataq ỹo'otec da lcolanaxa qataq decachiỹoto,

Jeremías 44:13

Sauo'o qome ca nhuaxanaguec na hueta'a ye Egipto, 'eeta'am ñaqa'en da nhuaxanaguec co'ollaxa ye Jerusalén da serolec so alaataxac, nqouaxa qataq napiina.