Jeremías 24:8 - La'aqtaqa Ñim Lo'onatac 'Enauacna 2013

⁸ Qalaxaye ñi Sedequías, ñim nta'a ye Judá, qataq na nataxala'pi qataq na laỹepi maye hueta'a ye Jerusalén, qataq nam hueta'a ne'ena 'alhua, huo'otaq nam neta'ague da Egipto, namayepi 'eeta'am ñaqa'en qome ana hiigo maye qauem, qaq souaxat da ỹataqta qauem nache saishet da qanallec.

Jeremías 24:8 Referans Kwoze

Jeremías 43:1

Qaq so Jeremías, co'ollaq ime, da da'aqtaxaateguem so nhuo' le'ecpi, 'enauac nam ỹamaxalec Ñim Nataxala', maye Natamnaxala' na Israel le'ecpi, da ỹa'axatem somayepi,

Jeremías 37:17

Nache so nta'a Sedequías damaxasoxooña co'ollaxa so Jeremías da qaỹeuegueua'a so lma' lta'araic somaye, nache so Jeremías co'ollaq qaỹauegueua'a so nta'a, nache se'eso nta'a ndote' da inat somaye, 'eeta': ¿Peta'a huo'o ca la'aqtaxanaxac Ñim Nataxala'? Nache so Jeremías ỹasat, 'eeta': Aja', qaq damaye, 'eeta': 'Am nta'a, 'am loxonec qome ñi nta'a ye Babilonia.

Jeremías 24:2

Qaq soomaye, 'oonole aso huetangui aso ỹataqta 'onaxai hiigopi maye la'auaxana da ỹe, qaq aso lỹa, qalaq huetangui aso qauem hiigopi, qaq asomayepi ye ỹataqta qauem nache saishet qanallec.

Jeremías 37:10

Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Jeremías 24:5

«Aỹem, maye Aỹem Nataxala' maye Aỹem Natamnaxala' na Israel le'ecpi, da ỹa'aqtac, 'eeta': 'Eeta'am ñaqa'en aca ỹataqta no'on hiigo da selota'a na nhuo' le'ecpi na Judá, maye ca'ai ñaqa'en co'ollaxa ne'ena 'alhua da samaxa yem na'alhua na caldeopi. Nache ỹataqta saỹamaxareeta qome da selota'a,

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Jeremías 44:1

Da la'aqtac Ñim Nataxala' maye nvita so Jeremías da yaqto' ỹanem 'enauac so judiopi maye hueta'a ye Egipto, som hueta'a ye huaqta'a't nỹecpi ye Migdol, Tafnes, Menfis qataq yem 'alhua maye pa'aigue da la'añaxa, 'eeta':

1 Crónicas 3:15

Qaq soua llalqa so Josías, so ỹe le'enaxat Johanán, qaq so ca'atalec somaye Joacín, qaq so lỹa Sedequías, qataq so lỹa Saum.

Jeremías 13:7

Nache aỹem ashec ñeqo'onaxaama aso tala Éufrates, nache ñeqatsheguem so saataxaqui, sachegoxotchiguiña yem sachaña co'ollaq soxooñi, qalaxaye somaye mashe lto, nache saishet da ỹe'eguelaxa da qaiuen.