Jeremías 24:6 - La'aqtaqa Ñim Lo'onatac 'Enauacna 2013

⁶ qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Jeremías 24:6 Referans Kwoze

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Jeremías 29:10

Ñim Nataxala', 'eeta': ‹Qom ivi' caua setenta vi'iye da qoviita'a ye babilonia, nache Aỹem qami' setaua'n qome, nache sepaqueelec dam sachaxanapec co'ollaxa da qami' ñe'eguelaxatalo nam maiche qarmaye.

Jeremías 33:7

Qaq ñaralaxat qome da na'achecỹaxac na Judá qataq na Israel, qataq she'eguelaxata da nauaqsheguem ñaqa'en, da yaqto' ỹe'eguelaxa da 'eeta'am so hua'auchiguiñi lataxac.

Jeremías 32:41

Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Jeremías 12:15

Qalaxaye qom mashe ime da ñeqateua'a namayepi, nache qaltaq she'eguelaxa da sechoxoren, nache she'eguelaxata qome nam lalamaxatpi lma'pi qataq na na'alhua.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

1 Pedro 3:12

Cha'aye Ñim Nataxala' ỹataqta ntela'a nam ỹo'ot ca ỹaỹamaqchiguiñi, qataq hua'axaỹa da nqouagaxaunaxac, qalaxaye Ñimaye ỹataqta npa'aguene' na ỹo'ottac na qauem.»

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Nehemías 5:19

Ime, nache ñatamnot Ñim Ñatamnaxala', sheeta': «¡'Am ñachoxonnot da ñaq aỹem 'auennata'a qome, souaxat 'enauac na so'otec ne'ena shiỹaxauapi!»

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Deuteronómio 11:12

Qataq Ñim Nataxala' nacheñi Ñim ilotague' yemaye, qataq ỹalletalec 'enauaque naua na'axa'te ivitta'a da inoxonec ye vi'i.

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Salmos 44:2

Co'ollaq 'auauota'a na 'arhuaq da 'auo'orauec so ỹotta'a't shiỹaxauapi, nache 'auauo'o da nhuaxanaguec somayepi, huaña nache so lma' somayepi 'aỹa'analec so qarta'alpi.

Jeremías 16:15

nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Amós 9:14

Huaña nache ñe'eguelaxaala't qome nam ỹalamaxat nhuo' Israel le'ecpi maye noxonecpi co'ollaxa. Nache namayepi qaltaq no'oxoosheguem qome na huaqta'a't nỹecpi maye mashe nlaguiñipi, nache qaltaq naigui qome nache qaltaq ỹo'ot nam lanaxanaqa'pi da ỹaañi ana uvapi, nache nỹomtapigui na maiche lo'onatac lataxa, qataq ỹaañi ana lañiguishepi qo'oipaqpi nache maiche chectac ana ala anamaye.

Génesis 44:21

Qaq huaña, nache 'am qomi' 'auỹaxanoto da ishet da ñauegaq ñimaye, cha'aye 'auauotaique da 'auauatton.

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Jeremías 39:12

«'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»