Jeremías 24:5 - La'aqtaqa Ñim Lo'onatac 'Enauacna 2013

⁵ «Aỹem, maye Aỹem Nataxala' maye Aỹem Natamnaxala' na Israel le'ecpi, da ỹa'aqtac, 'eeta': 'Eeta'am ñaqa'en aca ỹataqta no'on hiigo da selota'a na nhuo' le'ecpi na Judá, maye ca'ai ñaqa'en co'ollaxa ne'ena 'alhua da samaxa yem na'alhua na caldeopi. Nache ỹataqta saỹamaxareeta qome da selota'a,

Jeremías 24:5 Referans Kwoze

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

1 Corintios 8:3

Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Mateo 25:12

Qalaxaye so auonaxaua 'enapeco': «Aque', qami' sa sauatto'n.»

Salmos 119:71

Qaq aỹem no'onaxat co'ollaxa da huo'o da ñeque'eenaxac, cha'aye nachera da ỹo'ot da sauatto'n naua 'arqataxaco.

Salmos 119:67

Cha'aye co'ollaq saxanaxa da huo'o da ñeque'eenaxac nache qalota na isomaxacpi, qalaxaye nagui, aỹem salaxagueta naua 'ara'aqtaqa.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Jeremías 24:4

Nache Ñim Nataxala', aỹem 'enapega, 'eeta':

Jeremías 29:4

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, maye ỹauec co'ollaxa 'enauac nam Jerusalén le'ecpi da ỹauega ye Babilonia, 'eeta':

Jeremías 29:20

Qaq qaualaqaigueta qome naua ỹa'aqtaqa 'enauac qami', maye qami' ñeqateeguesopa co'ollaxa na Jerusalén da qami' sauegalo ye Babilonia.

Ezequiel 11:17

Qaq nataqa'en qonapega qome, qoneta': 'Era da la'aqtac Ñim Nataxala', 'eeta': Aỹem ñe'eguelaxat qome namayepi sachegoxotchiguiña nam 'alhuapi, qataq nam ỹotta'a't shiỹaxauapi maye so'ot co'ollaxa da ỹalecta'aguet, nache llaỹona't qome nache sanem ye 'alhua ye Israel.

Levítico 26:44

Qaq na'aictaxa da ñaq qoñiitaña ca na'alhua ca qampa'aguenaxauaipi, qalaxaye saishet qome da qami' so'ota'n, qataq saishet da qami' imereuo ñaqa'en, cha'aye saishet da ñelaxaañi so ñaỹamataxac co'ollaq ñaỹamaxate' so qarta'ailpi. Qaq 'era da ỹa'aqtac, Aỹem Nataxala' maye Qanatamnaxala'ai.

Jeremías 29:11

Cha'aye Aỹem saỹateeta nam llapaqtañepi maye huotaique da qami' so'oteque, nam llapaqtañepi maye no'on qaq saishet da qauem da yaqto' qami' sanema cam ñaq natauo maye nlaqchigui da aquitaxac. Qaq 'era da ỹa'aqtac Aỹem Nataxala'.

Ezequiel 11:20

Qaq huaña qome nache ỹataqta quetegue da lataxac naua iqataxaco, qataq naua ỹamaxasoxonaxaco, qataq ỹataqta ỹo'o't. Qaq namayepi ỹataqta ỹalamaxatpi qome, qaq Aỹem nachaỹem Natamnaxala'.