Jeremías 24:2 - La'aqtaqa Ñim Lo'onatac 'Enauacna 2013

² Qaq soomaye, 'oonole aso huetangui aso ỹataqta 'onaxai hiigopi maye la'auaxana da ỹe, qaq aso lỹa, qalaq huetangui aso qauem hiigopi, qaq asomayepi ye ỹataqta qauem nache saishet qanallec.

Jeremías 24:2 Referans Kwoze

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Isaías 5:4

¿Negue't ca lỹa ishet da so'ot na ỹanaxanaqa' uva lma'? ¿Peta'a huo'o ca lỹa maye saxanaxa da so'otec namaye? Aỹem seuatta'a co'ollaxa da huo'o aca ỹataqta ama ala ana uva, qalaxaye ¿ta'ainco' da ỹataqta ñe'eua aso ala ana uva?

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

Mateo 5:13

Qami' qoñiita'am ca toue maye iuen nam shiỹaxauapi maye huetalec ana 'alhua. Qalaxaye ca toue da huo'otaq imeuo na lle'euaxa, qaq ¿ishet peta'a da qaltaq ỹe'eguelaxalec da no'on? Camaye nache saishet da huo'o ca taiguet. Nachaqrata da qaỹasaxauec, qataq choche pigui nam shiỹaxauapi.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Jeremías 29:17

«Aỹem Nataxala' maye Qaica ca Seqalanapec, 'eeta' da ỹa'aqtac: Aỹem qami' ñamaxalo qome ca alaataxac, nqouaxa qataq ca napiina. Nache qami' so'oteque da qoñeeta'am aca higo nchegueraxai, qaq souaxat da ỹataqta qauem nache saishet da qanallec.

Nahúm 3:12

Qaq 'enauac nam 'aye'eguenaqa'pi, 'eeta'am qome aca nañiguishe higo maye nlaqchigui ana ỹeta ala, qaq da qaỹacholaxan nache naañi, nache chec na shiỹaxauapi.

Números 18:13

Qataq 'enauac na la'auaxanec ala na nañiguishec maye Aỹem ndoua'a namayepi, nache 'am sanem da 'aralamaxat, qalaxaye 'enauac ca shiỹaxauapi maye hueta'a ca 'arma' da qui'itta da lataxac, nache ishet da chec anamaye.