Jeremías 24:1 - La'aqtaqa Ñim Lo'onatac 'Enauacna 2013

¹ Qaq so Nabucodonosor maye nta'a ye Babilonia, co'ollaq ime da ỹauec so Jeconías, som llalec so Joaquim maye nta'a ye Judá, lỹatec naqa'en so nataxala'pi ye Judá, qataq som ỹaỹatenpi da ỹo'ot na le'enaqtac, qataq so lcat lo'opi, nache Ñim Nataxala', aỹem ỹachaxanalo soua dos no'oxonal maye huetanguilo aso hiigopi, qaq soomaye netraña ye naloteuga añi atamnaxaqui.

Jeremías 24:1 Referans Kwoze

Jeremías 29:2

Qaq de'era huetoigui co'ollaq ime da so nta'a Jeconías ca'ai ye Jerusalén lỹatec aso nate'e, qataq so ilotague' so nma' lta'araic, qataq so nataxala'pi ye Judá qataq ye Jerusalén, nataqa'en so ne'enaqtac lo'opi, qataq so lcat lo'opi.

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

Zacarías 3:1

Ime, nache Ñim Nataxala' huaigui naqa'en so ỹauanaqchec, da aỹem ỹachaxana so Josué maye lataxala' na ntaxaỹaxanaxanecpi da qaitaxaỹapegue' Ñimaye. Somaye nachattañi datato'ot so piguem le'ec, maye lamaxashec Ñim Nataxala'. Qaq na aloic so Josué, nache huetaua'a so pa'aguenataxanaxaic da yaqto' ỹauo'o ca lasouaxashet somaye.

Zacarías 1:20

Ime, nache Ñim Nataxala' qaltaq aỹem ỹachaxanalo soua cuatro shiỹaxau' maye lcat lo'ol.

Amós 7:7

Qaq Ñim Nataxala', nataqa'en aỹem ỹachaxana da Ñimaye nachattaua'a na laỹe so npaqtaxanaxat, nache nasoqta'a aso laloqnaxanaqte nam nỹec lo'o.

Amós 7:4

Ime, nache Ñim Nataxala' qaltaq Aỹem ỹachaxana so ỹataqta lta'araic norec, nache somaye ỹataqta deqaxaỹañi naqa'en aso qaỹoqchiguingui auaxai late'erai, qataq nmichiguiñi naqa'en so no'onaxapi.

Amós 7:1

Qaq 'era da ỹauanaqchec maye aỹem ỹanem Ñim Nataxala', co'ollaq ñaq cheta'ague da ñaxat nam dalaxaic nañiguishec maye qoỹaañi naxa da ime da qanqat na ala nam hua'auñi lañiguishec so nta'a, nache sela'a Ñim Nataxala' da iqataxaatai' aso qalota shiiquioxoipi.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Ezequiel 19:9

Qaq ime nache ỹauo'o so lquet lcat qataq ỹanaigui aso laỹe', nache ỹauega ye Babilonia da icoñi', da yaqto' qaica ca hua'aqtega da desoqtac da lamaqtapeguelec añi qasoxonaxa ye Israel.

2 Reyes 24:10

Qaq se'esoua na'axa'te, nache so nalleppi so Nabucodonosor, maye nta'a ye Babilonia, taỹa ye Jerusalén da coleesop da yaqto' iloquiaxan.

Isaías 13:1

Da nauanaqchec maye ỹa'axata'a dam talec qome ye Babilonia, dam qaỹachaxana co'ollaxa so Isaías, som llalec so Amós.

Jeremías 27:20

nam saishet da ỹache co'ollaxa so Nabucodonosor maye nta'a ye Babilonia, co'ollaq ỹachegoxotchiguiña ye Jerusalén da ỹaueegue da Babilonia so Jeconías maye llalec so Joaquim maye nta'a ye Judá, lỹatec naqa'en so 'amaqtaqaicpi ye Judá qataq ye Jerusalén,

Jeremías 28:4

Qataq nataqa'en so'ot qome da ñe'eguelaxa ne'ena nma', so Jeconías som llalec so Joaquim maye nta'a ye Judá, qataq 'enauac som laỹepi shiỹaxauapi maye qaỹachegoxotchiguiña co'ollaxa na Judá da qaỹaueegue da Babilonia. Aja', Aỹem selaxachigui qome da lo'onataxanaxac ñi nta'a ye Babilonia. Qaq 'era da ỹa'aqtac Aỹem Nataxala'.»

Jeremías 29:1

'Ana ana lere so na'aqtaxanaxanec Jeremías maye ỹamaq co'ollaxa chegoqchiguiña ye Jerusalén da taỹa'a naqa'en so nqueroxonecpi maye qaỹauega co'ollaxa ca ỹaqa'a 'alhua qataq so ntaxaỹaxanaxanecpi qataq so na'aqtaxanaxanecpi, qataq 'enauac so nhuo' le'ecpi maye so Nabucodonosor ỹauec co'ollaxa ỹachegoxotchiguiña ye Jerusalén, da ỹauega ye Babilonia.

Jeremías 37:1

So Nabucodonosor maye nta'a ye Babilonia, ỹanagui da nta'a ye Judá so Sedequías, som llalec so Josías, da nmeneguet naqa'en so Jeconías som llalec so Joaquim.

Jeremías 13:19

Na huaqta'a't nỹecpi maye ỹotta'a't naua nañalo ye Néguev mashe qaicoleesop, nache qaica ca ishet da taua'a yemaye. Qaq 'enauac na lma' ye Judá mashe qaỹauec da qaicoñe'.

Ezequiel 17:4

qataq icheguec asom ỹataqta qaỹoqotcheguemec lcoue, ime nache jec da ỹaalec so na'alhua so nmenaxaicpi, som huaqta'a't nỹecpi maye qalota so nmenecpi.