Jeremías 23:9 - La'aqtaqa Ñim Lo'onatac 'Enauacna 2013

⁹ Da na'aqtaxanaxac maye talec na na'aqtaxanaxanecpi, 'eeta': Aỹem ỹataqta qaica ca ilagaqa', 'enauac na ỹo'oc da ỹataqta cholaxan, 'eco' da aỹem taxaic, sheeta'am ca shiỹaxaua maye mashe quichigui na lataxa, souaxat Ñim Nataxala' qataq naua qui'itte' la'aqtaqa.

Jeremías 23:9 Referans Kwoze

Habacuc 3:16

Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.

Daniel 8:27

Qaq Aỹem Daniel, ñanomteguet co'ollaxa da qaica ca ỹa'añaxac, nache huo'oi soua na'axa'te da aỹem sa no'on. Qaq so huo'o da ỹa'añaxac nache soosheguem da qaltaq souapegue' nam no'onatacpi maye aỹem ỹamaxalec so nta'a. Qalaxaye ỹataqta saishet da samaguiñi, souaxat se'eso ỹauanaqchec co'ollaxa, cha'aye aỹem saishet da saỹateeteguet somaye.

Lamentaciones 3:15

Ñim Nataxala', ỹataqta aỹem nlaxatchigui da ñequi'ic, qataq ỹataqta chem som aỹem nỹomaxangui.

Isaías 51:21

Qaq ỹoqo'oye 'am maye 'auaquicotac ñaq 'ana'axaỹaxana de'era, 'am maye 'am taxai qalaxaye saishet da nachena na lataxa da 'autaxac,

Salmos 60:3

Nache qomi' nhuo' le'ecpi maye qomi' 'aralamaxatpi, qomi' 'aỹa'anegueta na sansatta qañe'eguenataguecpi, qataq qomi' 'aỹa'anema na lataxa, maye qomi' ỹe'etaxaloqche't.

Romanos 7:9

Cha'aye co'ollaq saxanaxa da saỹaten na nqataxacpi, nache she'emaqtac. Qalaxaye co'ollaq saỹaten na namaxasoxonaxacpi, nache ñanoma da ỹataqta aỹem 'etaxaloxoic lta'araic

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 29:9

¡Qaq nache qoquiito'ot qome da qaica ca qaraỹaanataxanaxaqui! ¡Qataq nache qoquiito'ot qome da sa qanauañiiñi qataq qaica ca qauloỹa'a! ¡Qataq nache qoquiito'ot qome da qavi'egochiitapigui' qoñiita'am ca taxaic, na'aictaxa da saishet da qanỹomiigui ca lataxa maye itaqchet ca shiỹaxaua!

Isaías 28:1

¡Qaq choxoraxaso' ye Samaria, maye ño'oxonnaxaqui qataq 'eco' no'on naro'o ye Efraín, yem nhuo' le'ecpi maye 'eeta'am na taxaicpi, qataq llo'oxoraqte ana huo'o da lyac lauoxo maye taỹa'a da deqaqa, maye hualec na lcomaraxa so 'onaxaic ca'amegue, yem huaqta'a't nỹecpi maye hueta'a na shiỹaxauapi maye mashe sa nauec da lamanaxanaxa na lataxa!

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Salmos 69:20

Da ñesheunaguec ỹataqta ilaxatta añi iquiyaqte, nache ỹo'ot da ñelauchiguiñi qataq qaica ca ỹa'añaxac, qataq qaica ca naigui da ñimittaique ca aỹem icochaq qataq ca aỹem ichoxoren.

Jeremías 8:18

Da ñequi'ic qalaq qaica ca lata', añi iquiyaqte qalaq mashe qaica ca la'añaxac.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Jeremías 36:16

qaq co'ollaq choche hua'aqchigui somayepi, nache ỹataqta nlaxagui da lcolanaxa, nache namatapega't, ime, nache 'eeta': iuen da sa'aqtaxanaxam 'enauac de'era ñi nta'a.

Ezequiel 13:3

¡Choxoraxaso' nam na'aqtaxanaxanecpi maye qaica ca ỹaỹaanapec, qataq quetague' na maiche lalamaxat lauanaqchec, nache na l-loxocpi saishet da ỹoqta 'eesa!