Jeremías 23:8 - La'aqtaqa Ñim Lo'onatac 'Enauacna 2013

⁸ nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 23:8 Referans Kwoze

Ezequiel 34:13

Aỹem ñeqateeguesop qome nam ỹaqa'a 'alhuapi, qataq llaỹona't, nache sauega ye maiche lalamaxat na'alhua. Qataq sauega qome aye qasoxonaxapi ye Israel da yaqto' sequia'axan, qataq ye la'auaxacpi, qataq 'enauac yem nma'pi maye qanayeetaña yi'iye 'alhua.

Sofonías 3:20

Qaq que'eca na'a'q, qami' ñaueguereuo qome, nache qami' sataxana't; nache ñaralaxat cam qami' taleguete qana'achecỹaxaqui, qataq qami' sanema da qayo'oxoyiqui, qataq da qara'amaqchiqui, da qaualliquiitaigui nam shiỹaxauapi ana 'alhua. Qaq 'era da ỹa'aqtac Aỹem Nataxala'.»

Ezequiel 39:28

huaña nache ỹaỹaten da Aỹem Nataxala' maye Natamnaxala', maye so'ot co'ollaxa da qaỹauega namayepi na ỹotta'a't shiỹaxauapi, qalaxaye co'ollaq ime nache qaltaq she'eguelaxa da llaỹona't da sanalec ye maiche na'alhua nache qaica co'ollaxa ca ño'onaxatañi.

Ezequiel 37:25

Qataq nalec yem 'alhua maye sanem co'ollaxa so ỹamaxashec Jacob, yem nataqa'en netalec co'ollaxa so hua'au lta'alpi. Qaq namayepi nache 'eetai' qome da netalec yemaye, qataq ca llalaqpi, qataq 'enauac cam chegoxoguetpi qome namayepi, qaq ñim ỹamaxashec David, nacheñi qome ñim chochaq tatec da ilotague' namayepi.

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Jeremías 16:15

nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Jeremías 31:8

Aỹem ñe'eguelaxat qome sachegoxotchiguiña ye 'alhua maye pa'aigue da sheu', qataq llaỹona't qome sachegoxota'a cam pa'atec loga't ana 'alhua. Qaq namayepi nache nnaictague' qome na qanamaicpi qataq na sa da'añiiguelo naua lchel, qataq na 'alpi maye hualaxaipi qataq ana mashe deco'opi, ¡nache qalota qome na ñe'eguelaq!

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Ezequiel 28:25

Qaq Aỹem Nataxala', shenapec: Llaỹona't qome na nhuo' Israel le'ecpi, sachegoxotelec nam ỹotta'a't shiỹaxauapi maye ỹalectaigui, nache sachaxana da qui'itta ỹataxac ỹauaachigui ñaqa'en na ỹotta'a't shiỹaxauapi. Nache na Israel le'ecpi nalec qome ye maiche na'alhua, yem 'alhua maye sanem co'ollaxa som ỹamaxashec Jacob.

Joel 3:7

Qalaxaye aỹem ñe'eguelaxat qome namayepi, sachegoxotchiguiña nam 'alhuapi maye taỹa co'ollaxa da qaumiñi, nache da nque'eenaxac na Israel le'ecpi 'eeta'am qome da qanque'eenaxaqui.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Jeremías 16:14

Qalaxaye anacta ca na'a'q maye huaigui da saishet da qoỹan ca na'aqtac da qoỹeeta', ‹Ñim Nataxala' nca'altauec, ñim nqateeguesop co'ollaxa ye Egipto so Israel le'ecpi›,

Ezequiel 36:35

nache 'enapec qome: Ne'ena 'alhua nam toolec co'ollaxa, nagui qalaq 'eeta'am so nanaxanaqa' maye huaña co'ollaxa ye Edén, qaq na huaqta'a't nỹecpi maye ỹotta'a't naua nañalo, maye toolec qataq huetaiya' qataq dolachigui co'ollaxa, qalaq ỹataqta qampaxatteua'a, qataq qanayeetaigui.

Miqueas 7:15

Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.