Jeremías 23:7 - La'aqtaqa Ñim Lo'onatac 'Enauacna 2013

⁷ Ñim Nataxala' 'enapec: Anacte' caua na'axa'te maye saishet qome da huo'o ca ỹan ca la'aqtac da, 'eeta': Nca'altauec Ñim Nataxala', maye nqateeguesop na Israel le'ecpi ye Egipto,

Jeremías 23:7 Referans Kwoze

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Joel 3:5

Cha'aye qami' qauacoñiỹa co'ollaxa som ỹalamaxat plata qataq oro, qataq nam ỹataqta no'on nogoxoshetpi maye ỹalamaxat, nache qaroiua'a anam atamnaxaquipi maye maiche qaralamaqchi,

Miqueas 7:15

Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.