Jeremías 23:5 - La'aqtaqa Ñim Lo'onatac 'Enauacna 2013

⁵ Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Jeremías 23:5 Referans Kwoze

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Zacarías 3:8

Qaq ñaq 'ana'axaỹaxaachiguiñi 'am Josué, 'am maye 'am lataxala' nam ntaxaỹaxanaxanecpi, qataq nataqa'en na'axaỹaxaachiguiñi qome, na 'artauapi maye ntaxaỹaxanaxanecpi, cha'aye 'enauac da qoñiita da qami' la'anaqa'ate qome da na'aqtaxanaxac maye, 'eeta': Aỹem ñanacot qome ñi ỹamaxashec, maye le'enaxat da Llaxataxa.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Jeremías 30:9

Nache namayepi Aỹem do'onataxanot qome, Aỹem Lataxala' qataq Natamnaxala' qataq so David, som sanem qome namayepi da lta'a.

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Hebreos 8:8

Qalaxaye Ñim Lo'onatac 'Enauacna ila'a da se'eso shiỹaxauapi saishet da ỹalaxalec dam 'eetapeguec, nache Ñimaye 'eeta': «Anata ca na'a'q, qom Aỹem ñaralaxat ca ñaỹamaxataxac da ñaỹamaxate' na Israel le'ecpi qataq na Judá le'ecpi.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Jeremías 31:27

Ñim Nataxala' 'eeta': «Anacta ca na'a'q da so'ot da na ỹalleppi, qataq na shiguiỹacpi, da ỹataqta nlaxalec na Israel qataq na Judá.

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Ezequiel 34:29

Na lanaxanaqa'pi qome qalaq ỹataqta no'on na huetalec lañiguishec, nache namayepi saishet da qaltaq ỹe'eguelaxa da nque'etaxangui na lqouaxa, qataq na laỹepi ỹotta'a't shiỹaxauapi saishet qome da ỹe'eguelaxa da ỹe'eetac namayepi.

Salmos 80:15

ana uva maye maiche 'aỹa'aañi co'ollaxa, qataq ana llaxataxa maye maiche ñaxat 'anqa'en.

Salmos 45:4

Cha'aye de'era 'ayo'oxoyec nache chegoqchigui da queta da 'am 'añaxaic, souaxat da 'auetteguelec da 'eesa lataxac, qataq da huesota nataxac qataq da nalochiguiñi lataxac. Qaq na 'oiguishec 'arhuaq, qalaq ỹo'ot qome na lta'araic da llo'oxoyec.

Jeremías 22:30

Ñim Nataxala', 'enapec: «Qa'eyeeua'a qome da le'enaxat ne'ena ỹale aca naneraxalate na shiỹaxauapi, da 'eeta'am ca ỹale maye qaica ca llalaqpi, 'eeta'am ca ỹale maye huo'o da lletaxanaxac da nachaalataxac. Cha'aye cam chegoxoguetpi qome namaye, saishet da huo'o ca nso'ongui añi nso'onaxaqui so David da yaqto' qaltaq ilo'ogue na Judá.»

Jeremías 22:15

¿'Aupi'itaxaatega peta'a da ca nta'a, nda'a't da na'attalec da netaigui ca coleesopa na cedro? So 'arta'a co'ollaxa saishet da choche deque'etac qataq nỹomtac, maye nataqa'en ỹo'ottac da nalochiguiñi lataxac qataq da no'on lataxac, qaq ỹoqo'oye somaye no'on da llecỹaxac.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Isaías 42:6

«Aỹem Nataxala', 'am seỹaxana, nache sacoota'a na 'arhuaq, yaqto' 'am so'onataxana da 'am chegoqchigui da nca'alaxa, 'am saỹamaxaañi cha'aye sauotaique da 'am la'anaxat da ñaỹamaxataxac, da ñaỹamaxate' na nhuo' le'ecpi qataq 'am lcoỹaraqte na ỹotta'a't shiỹaxauapi.

Jeremías 29:11

Cha'aye Aỹem saỹateeta nam llapaqtañepi maye huotaique da qami' so'oteque, nam llapaqtañepi maye no'on qaq saishet da qauem da yaqto' qami' sanema cam ñaq natauo maye nlaqchigui da aquitaxac. Qaq 'era da ỹa'aqtac Aỹem Nataxala'.

Ezequiel 21:27

Qaq 'enauac qome da nlachiguiñi ne'ena huaqta'a't nỹecpi, nache 'enauac imeuo qome. Qaq de'era yo'oq qom ivita ca laloqo' da anac cam sepataxalec da ỹo'ot cam nalochiguiñi lataxac.

Ezequiel 45:8

Qaq que'eca 'alhua nache lalamaxat qome ca lta'a na Israel le'ecpi, yaqto' na nta'alpi saishet qome da ỹe'eguelaxa da deuotaxanec ca na'alhua na ỹalamaxat nhuo' le'ecpi, nacherata da hua'aqta'a qome nam chegoxoguet so Israel da netalec na 'alhua.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

2 Samuel 23:3

Ñim Natamnaxala' na Israel le'ecpi detaqa, Ñim mpaxattalec na Israel le'ecpi, aỹem 'enapega, 'eeta': ‹Ca nta'a maye ilo'ogue na shiỹaxauapi, da no'on da lo'onataxanaxac, qataq huo'o naq 'enec naqa'en Ñim Lo'onatac 'Enauacna,

Salmos 99:4

'Am Nta'a 'añaxaic maye 'auauotec da nalochiguiñi lataxac, 'am, 'alapaxañi co'ollaxa da 'eeta'a't lataxac, qataq so Jacob 'auo'otec da nalochiguiñi qataq ỹaỹamaqchiguiñi lataxac.

Isaías 9:5

Qaq na pela'pi maye nalaataxaquipi na alleppi, qataq na nogoxot maye huagui na ntago'q, namayepi qaỹavigaxat qome nache nlachiguiñi souaxat ca norec.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 33:5

Ñim Nataxala' ỹataqta lta'araic da la'amaqchec, cha'aye neto'ot na piguem. Ñimaye nlaxattelec da no'on qataq da nalochiguiñi lataxac ye Sión.

Isaías 45:24

nache, 'eeta': ‹Nacheñita Ñim Nataxala' hueto'ot da nauegaxanaxac qataq da na'añaxac. Qaq 'enauac nam Aỹem nquiỹatega, qane'eetapigui qome.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Miqueas 5:3

Qaq ỹoqo'oye Ñim Nataxala' ỹaxanec nam lalamaxatpi, nache ivitta'a ca na'a'q da deco'o aca 'alo, maye taỹa'a da ñiguiñi ca llalec. Huaña qome nache na no'onañipi co'ollaxa, ỹe'eguelaxa da ỹaleeguet na lqaỹañecpi Israel le'ecpi maye noxonecpi co'ollaxa.