Jeremías 23:4 - La'aqtaqa Ñim Lo'onatac 'Enauacna 2013

⁴ Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

Jeremías 23:4 Referans Kwoze

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Juan 18:9

Qaq de'era 'enapec, damaye ipacchigui dam maiche la'aqtac So Jesús co'ollaq 'eeta': «Nam Aỹem ỹanempi Ñim Ita'a, namayepi qaica ca deqat.»

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Números 31:49

nache, 'eeta': «Qomi' ñaloqtenaqtega't 'enauac so alleppi maye seloqtague'pi, qalaq somayepi nalota't.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Levítico 26:9

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Ezequiel 36:11

Qataq so'ot da nquictauec da qoñeeta na ỹalleppi, qataq na shiguiỹacpi, nache ỹataqta qalota qome. Qaq ỹataqta qalota qome na hueta'a, 'eeta'am so hua'au co'ollaxa, qaq qami' ỹactec qome da qauaỹamqaichiguiñi saishet da 'eeta'am so hua'auchiguiñi co'ollaxa. Qaq huaña qome nache qauaỹachiñi da Aỹem nachaỹem Nataxala'.

Miqueas 4:4

Qaq huaña qome nache namayepi ỹataqta qaica ca ñe'etaique, da hueto'ot ca lpaqal aca maiche lañiguishe uva huo'otaq hiigo da nmatteguec. ¡'Era da la'aqtac Ñim Nataxala' maye qaica ca Ỹaqalanapec!

Sofonías 3:13

Na no'onañipi maye lca'alaxaicpi nam nhuo' Israel le'ecpi, saishet qome da ỹo'ot na saỹaỹamaxañi lataxacpi, qataq saishet qome da ỹa'axattac nam saq 'enpi, qataq saishet da huetaigui na alap ca natenataxanaxac. Cha'aye namayepi qailotague' qome, nache da nmatec qalaq qaica ca ñe'etaique.»