Jeremías 23:39 - La'aqtaqa Ñim Lo'onatac 'Enauacna 2013

³⁹ nache Aỹem, qami' sasaxare'c qome, qataq nam huaqta'a't nỹecpi maye qami' sanema co'ollaxa, qataq som hua'au qarta'ailpi, nache ỹataqta qaỹoqta ñaqa'en da sheeta, cam qoviỹaña qome.

Jeremías 23:39 Referans Kwoze

Jeremías 23:33

«Qaq 'am Jeremías, da huo'otaq huo'o ca shiỹaxaua ne'ena nhuo' le'ecpi, huo'otaq na'aqtaxanaxanec, huo'otaq ntaxaỹaxanaxanec, da 'am inat da, 'eeta': ‹¿Ca 'eetec cam qomi' taleguete la'aqtaxanaxac Ñim Nataxala'?› Nache 'auasateguet qome, qoneta': Ñim Nataxala' 'eeta' da la'aqtac Aỹem qami' sheca'aisalo qome. Qaq 'era da la'aqtac Ñim Nataxala'.

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Ezequiel 34:20

Qaq ỹoqo'oye Aỹem Nataxala', shenapec: Aỹem serolec qome da nalochiguiñi lataxac da ñimit ana chaxaraipi qaguetapi, qataq ana ỹapo'ota.

Ezequiel 34:11

Aỹem Nataxala', shenapec: Aỹem maiche souapegue' qome da selo'ogue ana ilopi qaguetapi.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Ezequiel 6:3

qoneta': Ñaq qana'axaỹaxañiỹa da la'aqtac Ñim Nataxala' qami' qasoxonaxapi na Israel, qami' lcomaraxalatepi, qami' talapi qataq qami' ca'ameguepi, Aỹem qami' ñamaxalo qome ca alaataxac, da yaqto' ilaxachigui nam qaỹoqotcheguemec atamnaqa'pi maye huaña da qaỹo'oxoren na ỹaqa'a atamnaxala'pi.

Ezequiel 5:8

Qaq ỹoqo'oye Aỹem Nataxala', sheeta': Aỹem nataqa'en 'am sataỹa'aguet, 'am Jerusalén, sacoolec da ñemit na 'arasouaxashetpi, ỹauaachigui ñaqa'en na ỹotta'a't shiỹaxauapi.

Lamentaciones 5:20

Qaq ¿ta'ainco' da chochaq tatec da qomi' 'aucoua'aisalo? Qataq ¿ta'ainco' da qaỹoqteguelo naua vi'iye da qomi' 'auala't?

Jeremías 52:3

Qaq ỹoqo'oye Ñim Nataxala' dalemataỹa co'ollaxa ye Jerusalén qataq ye Judá, nache ỹo'orauec. Qaq ime co'ollaxa nache so Sedequías mpa'aguene' so nta'a ye Babilonia.

Jeremías 36:31

'am qataq na 'auachegoxoguetpi, qataq nache 'ena'am nam 'amaqtaqaicpi maye 'artauapi, sauo'o qome ca nhuaxanaguec souaxat na lasouaxashetpi. So'ot qome da qami' taleguete, qataq 'enauac na shiỹaxauapi maye hueta'a na Jerusalén qataq na Judá, 'enauac nam qauem maye sa'axatta'a co'ollaxa, cha'aye Aỹem saqaualaqaiguet co'ollaxa.»

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Jeremías 7:15

Nache Aỹem qami' so'oldauec qome, 'eeta'am co'ollaq da so'orauec so qarqaỹaipi maye chegoxoguet so Efraín.»

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Isaías 48:15

Qaq nachaỹem co'ollaxa da setaxaỹot somaye qataq seỹaxana, Aỹem so'ot da anac, qaq cam dataigue qome qalaq no'on da na'aqtaguec.

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Salmos 51:11

Saishet qome da aỹem 'auỹotec qataq saishet qome da aỹem 'anqateeguesop so ỹataqta Qui'itta Saqcha'a 'Ara'añaxac.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

Jeremías 7:14

Qaq ỹoqo'oye dam so'otec co'ollaxa so atamnaqa' maye huaña ye Siló, qaq nache sheetec nataqa'en qome añi atamnaxaqui maye aỹem qoỹanot co'ollaxa, añim qami' sanema co'ollaxa qataq som hua'au qarta'ailpi, añim qaupi'iitega naxa.

Jeremías 12:7

«Aỹem sheca'ai co'ollaxa na ỹalamaxat nhuo' le'ecpi, qataq so'otan nam ỹalamaxat co'ollaxa. Nache saneguet da lhuaqỹaxac nam mpa'aguenaxauapi, nam nhuo' le'ecpi maye ỹauotaxat co'ollaxa.

Jeremías 23:38

Qaq namayepi da, 'eeta': ‹lamaxasoxonaxac Ñim Nataxala'›, qaq 'am 'auasateguet qome namayepi qoneta: Ñim Nataxala', 'eeta': Qaq cha'aye qami' qoquiito'ot da qauo'ogoxoñiitega dam na'aqtac maye qami' sa sashenema da qauo'ogoxoñiỹa,

2 Reyes 23:27

Ỹoqo'oye Ñim Nataxala', 'eeta': «Aỹem sheca'ai nagui ye Judá, 'eeta'am co'ollaq sheca'ai ye Israel, qataq sa seuooneguet yem huaqta'a't nỹecpi ye Jerusalén maye lleca'aguishec co'ollaxa, qataq añi atamnaxaqui maye shenapec co'ollaxa da hueta'a da ỹe'enaxat.»