Jeremías 23:34 - La'aqtaqa Ñim Lo'onatac 'Enauacna 2013

³⁴ Qaq da huo'o ca na'aqtaxanaxanec, huo'otaq ca ntaxaỹaxanaxanec huo'otaq ca lỹa shiỹaxaua, ne'ena nhuo' le'ecpi, da do'ogoxona de'era na'aqtac maye 'eeta': ‹lamaxasoxonaxac Ñim Nataxala',› nache camaye qataq ca llalaqpi, sauo'o qome ca nhuaxanaguec.

Jeremías 23:34 Referans Kwoze

Zacarías 13:3

Qaq huaña, nache da huo'o ca huotaique da da'aqtaxan, nache caua lalamaqa'ate lta'al, 'enapegalo camaye 'eeta': «'Am 'aleu qome, cha'aye 'auatenataxaatapigui da le'enaxat Ñim Nataxala'». ¡Nache caua lta'al ỹa'arapec qome camaye da ỹapacapeguec da 'eetega na'aqtaxanaxanec!

Lamentaciones 2:14

Naua lauanaqcheco maye 'am ỹa'axatema co'ollaxa som 'ara'aqtaxanaxanecpi, naamaye ỹataqta 'am ỹatenache't. Cha'aye saishet da 'am ỹachaxanalo naua 'arasouaxashe'ete, da yaqto' 'am 'avita'aguet da 'am qaỹauega ca ỹaqaqa'a 'alhua, nacherata da ỹo'ot da 'aua'amaqte'n naua lauanaqcheco maye saq'e'n.

Jeremías 36:31

'am qataq na 'auachegoxoguetpi, qataq nache 'ena'am nam 'amaqtaqaicpi maye 'artauapi, sauo'o qome ca nhuaxanaguec souaxat na lasouaxashetpi. So'ot qome da qami' taleguete, qataq 'enauac na shiỹaxauapi maye hueta'a na Jerusalén qataq na Judá, 'enauac nam qauem maye sa'axatta'a co'ollaxa, cha'aye Aỹem saqaualaqaiguet co'ollaxa.»

Nahúm 1:1

Ana nere maye huetalec da lauanaqchec so Nahúm maye lma' ye Elcos. Qaq 'era da na'aqtac maye taỹa'a ye huaqta'a't nỹecpi ye Nínive.