Biblia Todo Logo
Bib sou entènèt

- Piblisite -




Jeremías 23:19 - La'aqtaqa Ñim Lo'onatac 'Enauacna 2013

19 Da layeloxo Ñim Nataxala', 'eeta'am ca la'at lta'araic, 'eeta'am qome ca la'ana't la'at da ỹamaxañi nam qauemaicpi.

Gade chapit la Kopi




Jeremías 23:19
19 Referans Kwoze  

Da layeloxo Ñim Nataxala' 'eeta'am ca la'at lta'araic, 'eeta'am ca la'ana't la'at, maye ỹacholaxan na qauemaicpi.


Ñim Nataxala' maye Qaica ca Ỹaqalanapec, 'eeta': «Ca qauem maye nvira qome nam ỹotta'a't shiỹaxauapi, camaye queta qome nache ivira'a ca laỹepi shiỹaxauapi, qataq anac qome ca la'at lta'araic, chegoqchiguiña cam loga't ana 'alhua.»


Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.


Da na'aqtac da qaỹa'axata'a ye toolec 'alhua maye huaqta'ai' aye auaxai, 'eeta': 'Eeta'am ca la'at maye chegoxogue da taguiñi, da anac nam chegaqalec ye toolec 'alhua, yem 'alhua maye ncolanaxat.


Da ỹoxogue ca la'at lta'araic nache imeuo ca qauemaic, qaq ca no'on da lataxac qalaq nache 'eetai' da nachattañi.


Ñim Nataxala' nachaxan qome, da hueta'aguet na lalamaxat nhuo' le'ecpi; qaq da ỹaỹenec aca lchecna qalaq 'eeta'am da layaqchec ca nqashelgaxa. Ñim Lo'onatac 'Enauacna maye Nataxala', ỹasheeyegui qome aca lasheere, ime nache jec, queuoigui na la'at maye chegaqa'ague da taguiñi.


Qaq qom ivita cam laloqo' de'era, nache qoỹenapega qome na nhuo' le'ecpi na Jerusalén, qoỹeeta': «Chegoqtelec qome ye toolec 'alhua ca la'at dapaqa, da nasheeresheguem nache taalec na pa'aỹa'ague na ỹalamaxat nhuo' le'ecpi. Qalaxaye camaye saishet da taiguet da qaichegoq na ala na trigo,


Namayepi 'eeta'am aca isottac nañiguishe maye cheta'ague da qoỹaañi, maye cheta'ague da ỹa'alyiñi naua lpa'aye ana 'alhua. Qaq Ñim Lo'onatac 'Enauacna da ỹasheerelec na la'at namayepi nache deqaqa, qataq na la'at lta'araic ỹaỹoxonaqchet 'eeta'am naqa'en ca deqaqta 'auaqpi.


Qom qami' nvitalo ca qarcolanqai qataq ca lqalaicpi, nache sa qauaỹaañi ca qoñeetec souaxat da qaraquicoqoi, maye 'eeta'am aca daua'ache da nlaxaañi 'enauacna.


Qataq ỹavic 'eeta'am ana ỹaxat, qom saxanaxa da dauattonaxan. Qataq saỹala'ac na la'at da napogosheguem 'eeta'am naqa'en na 'auaqpi darala huo'otaq deqaqta.


Ñim Nataxala' da la'aqtac, 'eeta': Ñamaq qome ca la'at lta'araic da yaqto' ilaxachigui ye Babilonia, qataq na caldeopi.


Qaq huaña nache sela'aguet so la'at lta'araic chegoxogue da sheu', qataq so lta'araic lo'oc na piguem maye chegoqtapoigui so norec, 'eeta'am na nqashelgaxa, qaq naua loiguiye somaye nache huo'o so ne'eraxa. Qaq na laiñi se'eso norec huo'o so 'eeta'am na lcat bronce da lqashelgaxa,


Qaq ỹoqo'oye Aỹem selagaxatapec co'ollaxa sheeta'am aca daua'ache, da yaqto' ỹaleeguet ñaqa'en nam ỹotta'a't shiỹaxauapi maye saỹauatton co'ollaxa. Qaq na na'alhua namayepi ivira'a da ỹataqta toolec, nache qaica ca ishet da nalec. ¡Nam 'alhua maye ỹataqta 'onaxaic co'ollaxa, qalaxaye namayepi ỹo'otec da ỹataqta toolec!»


Da l-llimiaxa da lavilỹaxac, qalaq ivira'alo naua loga'te ana 'alhua, cha'aye Ñim Nataxala' lapaxañi qome ca ltaxaỹaxac da dataỹa'aguet na ỹotta'a't shiỹaxauapi, nache iỹaxaneuga qome da nmit 'enauac na shiỹaxauapi, da yaqto' ỹaneguet da l-leuaxa nam qauemaicpi. Qaq 'era da la'aqtac Ñim Nataxala'.›»


Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.


Qaq ỹoqo'oye Aỹem Nataxala' shenapec: Qom salemata nache so'ot da anac ca la'ana't la'at, qataq qom salemata nache so'ot da anac ca lta'araic auot, qataq naañi ñaqa'en aca lache maye 'eeta'am na coma', yaqto' ilaxachigui 'enauac camaye.


Swiv nou:

Piblisite


Piblisite