Biblia Todo Logo
Bib sou entènèt

- Piblisite -




Jeremías 23:16 - La'aqtaqa Ñim Lo'onatac 'Enauacna 2013

16 Qaq Ñim Nataxala' maye Qaica ca Ỹaqalanapec, da la'aqtac, 'eeta': «Qami' Israel le'ecpi saishet qome da qaualaqaiguet nam qami' ỹa'axatteguema nam na'aqtaxanaxanecpi, cha'aye nam ỹa'axattac namayepi choche natenataxanaxacpi, ne'ena la'aqtaxanaxacpi namayepi maiche ỹo'ot, qaq saishet da Aỹem chegoqtot.

Gade chapit la Kopi




Jeremías 23:16
26 Referans Kwoze  

Qaq huaña nache Ñim Nataxala' aỹem ỹasateguet, 'eeta': «De'era ỹa'axattac na nam na'aqtaxanaxanecpi da 'eetega ỹachegoxotchigui da ỹe'enaxat, damaye choche latenataxanaxac. Aỹem saishet da samaq namayepi, qataq saishet co'ollaxa da sanem ca ỹamaxasoxonaxac qataq saishet da setaqtague'. De'era lauanaqchec saq 'en, nloxoc maye natenataxanaxac, maiche ỹo'ot dam ipettega da 'eetec. Qaq 'era dam ỹa'axatteguec nam na'aqtaxanaxanecpi.»


Na l-loxocpi qalaq saq'en, qataq nam la'aqtaxanaxacpi qalaq chochaq ashepegaxanaxacpi. Namayepi 'eetega ỹa'aqtaxanaxanecpi naxa, qalaxaye Aỹem saishet da samaq co'ollaxa namayepi. ¡Qaq ñaqaiyeta namayepi iuatta'a naxa da ipacchigui nam la'aqtaxanaxacpi!


¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.


¡Choxoraxaso' nam na'aqtaxanaxanecpi maye qaica ca ỹaỹaanapec, qataq quetague' na maiche lalamaxat lauanaqchec, nache na l-loxocpi saishet da ỹoqta 'eesa!


Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.


«Aỹem, saishet co'ollaxa da samaq ne'ena na'aqtaxanaxanecpi, qataq saishet co'ollaxa da setaxaỹot namayepi, qalaxaye namayepi maiche nqalgoqtac da ỹa'axatec da ỹe'enaxat.


Nache saishet da ỹaconeguet nam lqataxacpi, qataq da naỹamaxataxac Ñimaye co'ollaq naỹamaxate' so hua'au lta'alpi, qataq na lamaxasoxonaxacpi maye ỹanem somayepi. Nache somayepi natamnot so saq 'en atamnaxala'pi maye qaica ca naigui, nache somayepi ivira'a da nataqa'en qaica ca naigui, souaxat da ỹe'enaxat da lataxac so ỹotta'a't shiỹaxauapi maye lauoreuapi, maye Ñim Nataxala' saỹashenem co'ollaxa somayepi da ỹe'enaxat.


Qaq da huo'o ca choche datenataxaatac, da 'eeta': «Aỹem sa'axatta'aguet nam ỹataqta no'on lataxapi». Qaq nacheca ca ỹataqta 'eesa naqa'en da na'aqtaxanaxanec ne'ena nhuo' le'ecpi.


¿Chaq laguio', qaq ỹaxaañi da ỹa'axattac nam saq'enpi, qataq na maiche ỹo'ot lhuennataxacpi maye saishet da 'eesa?


Na na'aqtaxanaxanecpi qalaq ỹoxooñi da 'eesa lataxac, 'eeta'am ca da'amnaxana ca lapagaxaic da ỹa'amen ca hueque, 'eetega huo'o na lauanaqchecpi, qataq ỹa'axattac nam saq'enpi. Namayepi 'eetega chegoqchigui naqa'en da ỹe'enaxat da da'aqtaxaatac, qamaq saishet da 'eesa da ña'aqtaxaatague'.


Qaq ỹoqo'oye qami', saishet qome da ỹe'eguelaxa da huo'o na saq 'en qarauanaqchiqui, qataq saishet da huo'o ca napaxagueetega da ilaviigui ca lỹa. Aỹem ñeca'alaxateeguesop qome da qara'añaxaqui nam ỹalamaxat nhuo' le'ecpi, qaq huaña nache qauaỹachiñi da nachaỹem maye Aỹem Nataxala'.


som na'aqtaxanaxanecpi ne'ena Israel maye saq'e'n naua l-loxoco, qataq ỹa'axatta'a co'ollaxa da no'on da llecỹaxac na Jerusalén, qamaq saishet da 'en.» Qaq 'era da ỹa'aqtac Aỹem Nataxala'.


Aỹem Nataxala' maye Qaica ca Seqalanapec, maye Natamnaxala' na Israel le'ecpi, qami' sevitaqna'alo da 'eeta': Saishet qome da qauaqaita'a da qami' ỹatenache't na na'aqtaxanaxanecpi qataq na ilaviigui ca lỹa maye qami' ỹalectaiguilo, qataq saishet qome da qauqocheetegalo naua lchoxonaxaco namayepi.


Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':


Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.


'Am ỹalcolec da sa 'auaconeguet da 'am qanlaxanec, qalaq 'am qoca'ai na no'on nqataxacpi.


cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.


Qaq ¿negue't cam huo'o ca laỹaanec da yaqto' ỹaỹaten de'era? Qataq ¿negue't ca ỹauattonaxanaxanec co'ollaxa de'era Ñim Nataxala', da yaqto' camaye ishet da ỹa'axatem na laỹepi? ¿Ta'ainco' da nlachiguiñi ne'ena 'alhua, qataq deqaqta 'eeta'am ca toolec 'alhua, nache qaica ca ishet da quetalec?


Som lasompi yemaye qalaq qaỹamaxauec, qataq qailaxachigui aso lvinaqtepi, nache 'enauac da huetaiya' somayepi. Som lta'a qataq som lataxala'pi somayepi qalaq ỹalectaigui nagui nam ỹaqa'a da la'amqaanataxanaxac, nache mashe qaica nam lqataxacpi Ñim Lo'onatac 'Enauacna. ¡Qaq ivira'a som la'aqtaxanaxanecpi da qaica cam lauanaqchec maye chegoqo'ot Ñim Nataxala'!


Nache so Sedequías, maye llalec so Quenaná, ỹo'o't co'ollaxa soua le'enaqtaqa huaca lcoue ỹachegoxotaigui so lcat, nache ỹa'alaqtai', 'eeta': «Da la'aqtac Ñim Nataxala', 'eeta': ‹Ne'enaua huaca lcoue, nachenaua naua 'auo'ogoxonalo qome da 'auloquiaxan ye siiriopi, nache ivitta'a da ỹataqta nmichiguiñi 'anqa'en.›»


Huaña nache so nta'a ye Israel, laỹona't so cuatrocientos na'aqtaxanaxanecpi, nache inat somayepi, 'eeta': ¿Peta'a ishet da ñeqo'onaxa ye Ramot, maye huaigui ye Galaad da seloquiaxanaq, qalqo' saishet? Nache somayepi 'enapeco': Aja', ishet da qauloquiaxañi, cha'aye Ñim Nataxala' qami' ỹanema da qo'oxoñiqui yemaye.


Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»


Swiv nou:

Piblisite


Piblisite