Jeremías 23:15 - La'aqtaqa Ñim Lo'onatac 'Enauacna 2013

¹⁵ Qaq ỹoqo'oye, Aỹem Nataxala' maye qaica ca Seqalanapec, 'era da ỹa'aqtac da sataỹa'aguet ne'ena na'aqtaxanaxanecpi. Aỹem sequia'axanec qome ca nallec maye ỹataqta chem, qataq ñeỹomaxangui ca 'etaxat maye huo'o lalegue maye qanlem, cha'aye chegoqchigui na na'aqtaxanaxanecpi na Jerusalén da laguelec 'enauac ne'ena 'alhua da qauem.»

Jeremías 23:15 Referans Kwoze

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Jeremías 9:15

Qaq ỹoqo'oye aỹem Nataxala' maye Qaica ca Seqalanapec maye natamnaxala' na Israel le'ecpi, sheeta': Aỹem sequia'axanec qome namayepi ca nallec maye ỹataqta chem, qataq ñeỹomaxangui ca 'etaxat maye huo'o na lalegue qanlem.

Lamentaciones 3:15

Ñim Nataxala', ỹataqta aỹem nlaxatchigui da ñequi'ic, qataq ỹataqta chem som aỹem nỹomaxangui.

Lamentaciones 3:5

Qataq nauaxaỹaxaasheguem, da aỹem coleesop naqa'en da naquicoxo, qataq da que'eenaxac, 'eeta'am naqa'en ca npaqtaxanaxat,

Salmos 69:21

Da huo'o na iqouaxa qalaq aỹem qaiquia'axanec na deshenataxan qataq da huo'o na ỹaquip qalaq aỹem qanỹomaxangui na 'euaxaic lataxa.

Apocalipsis 8:11

qaq asa'aso huaqaañi le'enaxat «Chemaxarai.» Nache so 'oonolec naua tres lpa'axaco na 'etaxat ỹataqta chem, nache ỹataqta qalota na shiỹaxauapi ileu, souaxat da nỹomgui.

Mateo 27:34

Huaña yemaye, nache qanỹomaxangui So Jesús so lataxa maye qaỹalecneguet ana huoue chemaxarai maye lata' da yaqto' saishet da nomeguet da nqui'ic ca shiỹaxaua. Qalaxaye co'ollaq ỹe'eguen So Jesús somaye, nache saishet da nỹomgui.

Lamentaciones 3:19

Qaq naxa da secuennate so ỹaquicoxo, qataq co'ollaq aỹem qaỹalata'a't, qataq so ñequi'ic qataq ñeque'eenaxac,

Deuteronómio 29:18

Qaq saishet qome da huo'o ca ỹale, 'alo, namoxou' maye huo'o ca llalaqpi, huo'otaq ca maiche nalamaxat nhuo' le'ecpi da ca'ai Ñim Nataxala' maye Qanatamnaxala'ai, da ca'ategue da natamnot ca natamnaxala'pi na ỹotta'a't shiỹaxauapi. Ỹataqta qarvichiỹa'a qome da huo'o ca 'oonolec da qoñiita da 'eeta'am aca huoue chem na lpa'a' qataq qanlem.

Jeremías 14:15

Qaq ỹoqo'oye Aỹem Nataxala', 'eeta' da ỹa'aqtac: «Ne'ena na'aqtaxanaxanecpi maye 'eetega ỹa'axattac da ỹe'enaxat, qalaxaye saishet da samaq namayepi, qataq 'eetega da saishet da huo'o ca alaataxac qataq ca nqouaxa ne'ena 'alhua: ne'ena na'aqtaxanaxanecpi ileuaigui qome ca alaataxac qataq ca nqouaxa.

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Jeremías 9:14

Nacherata da qaramchigui nache quetegueto naua maiche lhuennataxaco da lquiyaqteỹaxac, nache ỹo'oxoreetac nam saq 'en atamnaxala'pi, nache quetelec da lapaxaguenataxanaxac co'ollaxa som hua'au lta'alpi.