Jeremías 23:14 - La'aqtaqa Ñim Lo'onatac 'Enauacna 2013

¹⁴ Qataq Aỹem sauaachigui na na'aqtaxanaxanecpi na Jerusalén da ỹo'ottac nam ỹataqta qaiqaiga, namayepi ncachetague' ana saishet da lhua, qataq decachetac, qataq ỹa'añaqchet na qauemaicpi da yaqto' namayepi saishet da ca'ai da qauem. Namayepi qataq nam laỹepi maye hueta'a ne'ena huaqta'a't nỹecpi, 'eeta'am ñaqa'en so Sodoma qataq so Gomorra.

Jeremías 23:14 Referans Kwoze

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Jeremías 23:32

Qataq sa'axat da sataỹa'aguet ne'ena na'aqtaxanaxanecpi, maye ỹa'axatta'ape naua lchoxonaxaco maye saq'e'n, cha'aye nachenaua ne'enaua latenataxanaxaco, qataq naua qaica ca naiguilo la'aqtaqa, nam ỹo'o't da isomapec na ỹalamaxat nhuo' le'ecpi. Aỹem saishet da samaq co'ollaxa namayepi, qataq saishet da samaxalec da da'aqtaxan. Qaq ỹoqo'oye namayepi saỹañoxot da itauan ne'ena nhuo' le'ecpi. Qaq 'era da ỹa'aqtac Aỹem Nataxala'.

Jeremías 14:14

Qaq huaña nache Ñim Nataxala' aỹem ỹasateguet, 'eeta': «De'era ỹa'axattac na nam na'aqtaxanaxanecpi da 'eetega ỹachegoxotchigui da ỹe'enaxat, damaye choche latenataxanaxac. Aỹem saishet da samaq namayepi, qataq saishet co'ollaxa da sanem ca ỹamaxasoxonaxac qataq saishet da setaqtague'. De'era lauanaqchec saq 'en, nloxoc maye natenataxanaxac, maiche ỹo'ot dam ipettega da 'eetec. Qaq 'era dam ỹa'axatteguec nam na'aqtaxanaxanecpi.»

Deuteronómio 32:32

Cha'aye namayepi 'eeta'am co'ollaxa so shiỹaxauapi maye lma' ye Sodoma qataq ye Gomorra, namayepi 'eeta'am aca uva maye ñe'eua qataq qanlem,

Génesis 18:20

Qaq huaña nache Ñim Nataxala' da'aqtaxanem somaye, 'eeta': «Ye shiỹaxauapi maye lma' ye Sodoma qataq ye Gomorra, ỹataqta qauem da na'aqtaguec, qataq da lasouaxashet ỹataqta lta'araic.

Mateo 11:24

Qaq Aỹem qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, qaq saq 'ena'am se'eso shiỹaxauapi maye netaña se'eso nỹecpi ye Sodoma.»

Sofonías 3:4

Qaq na la'aqtaxanaxanecpi ỹataqta qaica ca iren, qataq tenataxanaxaicpi, qaq na ltaxaỹaxanaxanecpi qalaq ỹataqta sairen ye atamnaqa', qataq saỹaỹamaxatapec nam lqataxacpi Ñim Nataxala'.

Jeremías 20:16

¡Qaq que'eca ỹale, 'onaxaico' da 'eeta'am som huaqta'a't nỹecpi maye Ñim Lo'onatac 'Enauacna sa ichoxoren co'ollaq ilaxachigui! ¡Qataq camaye ye nte'eta qalaq hua'aqtega da na'alaxac souaxat da qui'ic, qataq da l-llimiaxa da alaataxac ye na'a'q laiñi!

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 11:8

Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

2 Pedro 2:6

Ñim Lo'onatac 'Enauacna nataqa'en ỹauo'o da nhuaxanaguec so shiỹaxauapi maye lma' ye nỹecpi ye Sodoma qataq ye Gomorra, nache ỹavigaxat, iviraxata'a da ndota't na alo, da yaqto' laloqnaxanaxat, dam huotaique 'eetec maye talec naqa'en nam shiỹaxauapi maye qauemaicpi.

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Malaquías 1:1

Qaq 'era da la'aqtaxanaxac Ñim Nataxala' maye ỹanem na Israel le'ecpi, chegoqchigui naqa'en so la'aqtaxanaxanec Malaquías.

Ezequiel 13:16

som na'aqtaxanaxanecpi ne'ena Israel maye saq'e'n naua l-loxoco, qataq ỹa'axatta'a co'ollaxa da no'on da llecỹaxac na Jerusalén, qamaq saishet da 'en.» Qaq 'era da ỹa'aqtac Aỹem Nataxala'.

Jeremías 23:17

Qataq da'aqtaxanem nam sa ỹaconegueta naua ỹa'aqtaqa, 'eeta': ‹'Onaxaic da qa'aita'ague› Qataq nam quetegueto naua qauema lhuennataxaco da lquiyaqteỹaxac qalaq da'aqtaxanem, 'eeta': ‹Saishet qome da qami' taleguete ca qauem.›»

Jeremías 18:13

Qaq ỹoqo'oye Ñim Nataxala', 'eeta': «Qaunache qome na ỹotta'a't shiỹaxauapi, da huo'otaq huo'o ca hua'aqchigui co'ollaxa ca 'eeta'am de'era. ¡Na Israel le'ecpi huo'o da ỹo'ot maye ỹataqta qaiqaiga!

Isaías 9:15

Qaq na lqaic nache naigui na ỹa'axaiquipi qataq na nataxala'pi, qaq na la'araxashet qalaq nachena na na'aqtaxanaxanecpi maye dapaxaguenataxaateguec da natenataxanaxac.

Jeremías 23:22

Namayepi da ỹaỹate'n taxa naua saqcha'alo iuennataxaco, nache da'aqtaxanem taxa na ỹalamaxat nhuo' le'ecpi naua ỹa'aqtaqa, qataq nqateeguesop taxa namayepi da qauem llecỹaxac, qataq ỹaxanec naqa'en nam qauem ỹo'ottac.»

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

Jeremías 49:18

cha'aye yemaye, 'eeta'am qome so Sodoma qataq Gomorra qataq som lauoreuapi huaqta'a't nỹecpi maye ỹotta'a't naua nañalo maye qailaxachigui co'ollaxa. Nache qaica qome ca qaltaq nalec yemaye, huo'otaq da choche nmataqa'. Qaq 'era da ỹa'aqtac, Aỹem Nataxala'.

Ezequiel 13:19

Qami', Aỹem qaunogoqchichi, souaxat na saq 'amaqtaq cebada, qataq nam saq 'amaqtaq nauole laỹe, qataq qanca'alaxacheetauec nam shiỹaxauapi maye saishet taxa da nca'altauec, qataq qaualauache na shiỹaxauapi maye saishet taxa da ileu. Qaq 'era da qoñeetec da qauatenachichi na ỹalamaxat nhuo' le'ecpi, maye ỹalaxaguet nam natenataxanaxacpi.

Oseas 6:10

Qaq huaña ne'ena na'alhua na Israel da sauaachigui nam ỹataqta qauem, qataq na Efraín da nquisheshe, nache na'aqchet na Israel le'ecpi.

Amós 4:11

Qataq qami' seroleguete so ỹataqta lta'araic lchec da qami' ñelaxaayiñi, 'eeta'am co'ollaq ñelaxaañi ye Sodoma qataq ye Gomorra, nache qoñeeta'am aca poqo maye qanqateeguesop ca norec, qalaxaye ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

Génesis 19:25

nache ilaxachigui somaye, cañe' naqa'en 'enauac som netaña yemaye, qataq 'enauac nam ñaxattalec so ca'amegue.

Jeremías 29:21

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi 'eeta' da la'aqtac maye taalec so Ahab maye llalec so Colaías qataq so Sedequías maye llalec so Maseías maye qami' ỹa'axattapeguema nam saq'enpi da 'eetega ỹachegoxotchigui da ỹe'enaxat: Aỹem saneguet qome da lhuaqỹaxac ñi nta'a Nabucodonosor maye lma' ye Babilonia, nache ñimaye qauauañiichigui naqa'en qom ỹalaua't.

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Miqueas 1:5

Qaq 'enauac huo'o qome de'era ỹasouaxat da nam chegoxoguetpi so Jacob ỹataqta sa ỹalaq, qataq souaxat na lasouaxashetpi na nhuo' Israel le'ecpi. Cha'aye huaña ye Samaria co'ollaxa da saỹalaq nam chegoxoguetpi so Jacob. Qataq ye Jerusalén nalec naqa'en nam saq'en natamnaqa'pi nam Judá le'ecpi.