Jeremías 22:9 - La'aqtaqa Ñim Lo'onatac 'Enauacna 2013

⁹ nache qaỹasateguet qome qoỹeeta': Cha'aye namayepi ca'ai da aỹamaxataxac maye Ñim Nataxala' maye Natamnaxala', ỹo'ot co'ollaxa da naỹamaxate' namayepi, nache natameetacot qataq ỹanot da llo'oxonnataxanaxac nam ỹaqa'a atamnaxala'pi.»

Jeremías 22:9 Referans Kwoze

2 Crónicas 34:25

Cha'aye aỹem ca'ai namayepi, qataq ỹavigaxat so lchenaxanaxat da ỹaatacot so ỹaqa'a atamnaxala'pi, nache ỹo'ot da ỹataqta salemata, souaxat 'enauac nam ỹo'otpi, qaq ỹoqo'oye ỹataqta 'eroigui da ỹayeloxo, maye talec qome ne'ena 'alhua, nache saishet qome da 'om.

2 Reyes 22:17

Souaxat da aỹem ca'ai namayepi, qataq da ỹavigaxattac na lchenaxanaxat da ỹaatacot na ỹaqa'a atamnaxala'pi, nache ỹo'ot da ỹataqta aỹem ỹayeloqchet ne'ena ỹo'otpi. Ỹoqo'oye ỹataqta 'eroigui da ỹayeloxo, maye talec ne'ena 'alhua, nache saishet qome da 'om.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›

1 Reyes 9:8

Qaq ana'ana atamnaxaqui nlachiguiñi qome, nache choche lapootasheguem, qaq da huo'o ca nlectot nache huo'o da la'aalaxa qome, nache denataxaatac, 'eeta': ¿Chaq ta'ainco' Ñim Nataxala' da 'eetec de'era ne'ena 'alhua, qataq aso atamnaxaqui?

Jeremías 9:13

Qaq Ñim Nataxala' ỹasat, 'eeta': «'Enauac ne'enapi da huo'o, cha'aye nam Israel le'ecpi ca'ai nam ỹapaxaguenataxanaxacpi maye sanem co'ollaxa, nache saishet Aỹem ỹalaxaguet qataq saishet da napaxaguena da ỹo'ot.

Jeremías 11:3

nache 'aua'aqtaxanem da Aỹem Nataxala' maye Natamnaxala' na Israel le'ecpi, sa'axatta da talec qome ca qauem cam shiỹaxaua maye sa ỹalaxagueta naua na'aqtaqa maye chegaqaiguilo de'era aỹamaxataxac.

Jeremías 16:11

Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Ezequiel 5:15

Qaq qom sacoolec da so'ogoxona da ỹalemataic qataq ỹayeloxo da 'am sataỹa'aguet da 'am ñemit, qataq sauo'o ca lta'araic 'anhuaxanaguec, nache 'enauac qome na shiỹaxauapi da 'am isheueetac qataq 'am denoỹa, qaq huaña nache na nhuo' le'ecpi maye 'am coleesop huo'o qome da lta'araic lcolanaxa. Qaq 'era da ỹa'aqtac Aỹem Nataxala'.

Ezequiel 12:16

Qalaxaye so'ot qome da huo'o ca saq 'amaqtaq da nca'aleeguesop ca alaataxac, ca nqouaxa qataq ca nalolaxa, yaqto' camayepi ỹa'axatem qome cam ỹotta'a't shiỹaxauapi maye ỹalecta'aguet qome, 'enauac nam qaiqaiga maye ỹo'ottacpi co'ollaxa, qataq huaña nache ỹaỹaten da nachaỹem maye Aỹem Nataxala'.»

Ezequiel 14:23

Qami' qauamaichiguiñi qom qauloỹa'a da lataxac caamaye qataq na ỹo'otpi. Qaq huaña nache qauaỹachiñi da saishet da choche sauo'o da nhuaxanaguec ye Jerusalén. Qaq 'era da ỹa'aqtac Aỹem Nataxala'.»

Ezequiel 39:23

Qataq na ỹotta'a't shiỹaxauapi ana 'alhua ỹaỹaten qome da na Israel le'ecpi, qaỹauega co'ollaxa ye ỹaqa'a 'alhua souaxat na lasouaxashetpi, cha'aye Aỹem saỹalaxaguet co'ollaxa, qataq saneguet na ilaq nache saxaỹa'a da na mpa'aguenaxauapi loxonec namayepi, nache 'enauac da ỹalauat huaigui so alaataxac.

Deuteronómio 29:24

Nache 'enauac qome na ỹotta'a't shiỹaxauapi da denataxaatac, 'eeta': ¿Chaq ta'ainco' Ñim Nataxala' da ỹo'otec de'era ne'ena shiỹaxauapi? Qataq ¿chaq ta'ainco' da ỹataqta lta'araic da lalemataic Ñimaye?

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.