Jeremías 22:6 - La'aqtaqa Ñim Lo'onatac 'Enauacna 2013

⁶ Cha'aye Ñim Nataxala' 'eeta' da la'aqtac maye talec ñi nma' lta'araic ñi nta'a ye Judá: «'Am 'eeta'am ñaqa'en añi qasoxonaxa ye Galaad, qataq añi lmilo añi qasoxonaxa ye Líbano, qalaxaye san da ỹa'aqtac da 'am she'eguelaxata qome da 'am toolec, nache qaica qome ca 'am netalec.

Jeremías 22:6 Referans Kwoze

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Isaías 27:10

Qaq yem huaqta'a't nỹecpi maye qampaxattaua'a qalaq ỹataqta nlachiguiñi qome, 'eeta'am ca nỹec da qanayeca'ai, qataq 'eeta'am ca toolec 'alhua maye qaica ca hueta'a shiỹaxauapi. Nache lquia'aqa' qome na shiguiỹacpi, yem huaña da chectac ana lcoue ana 'epaq, qataq huaña da nmatec.

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Génesis 37:25

Qaq ime co'ollaxa, nache soomaye nso'ooyiñi da deque'e'. Qaq co'ollaq namatrashegue'm nache ilora'aguet so nmenaxaicpi ismaeliitapi, maye chegaqa'a ye Galaad, qaq aso lalo cameellopi qalaq ỹachetac so coraxatpi, qataq so qo'oipaq lcha'q le'enaxat bálsamo, qataq so mirra, da yaqto' ira'a ye Egipto.

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Jeremías 21:11

Qonapega nataqa'en nam chegoxoguet so nta'alpi na Judá da na'axaỹaxana da la'aqtac Ñim Nataxala'.

Jeremías 4:20

Qataq mashe nvi' da na'axaỹaxac da nacalec lỹa nam qailaxachiguipi, 'enauac ne'ena 'alhua qanlaxaañi. Qataq choche nque'elaxatta da qanlaxaañi na ỹanataqa'pi qataq ỹataqta nlachiguiñi qanqa'en so ipe'lpi.

Cantares 5:15

Naua lchel 'eeta'ama aca nhuoqte mármol, nachatchiguiñi na'attaleguete na ndotec oro. Qaq da lataxac ỹataqta qaramta 'eeta'am ana cedropi ye Líbano.

Deuteronómio 3:25

Qaq ỹoqo'oye 'Am ñachoxonnot, da aỹem 'auasheetem da sa'axasoxoolec ye tala Jordán, da saitague da le'ego yaqto' semeten da lyac ye 'alhua maye huaña aye qasoxonaxapi, qataq ye Líbano.»

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Cantares 4:1

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

Jeremías 50:12

Qalaxaye na qana'alhuai qataq na huaqta'a't nỹecpi maye qarañoqo'oi, namaye nlaqaalec qome da na'agaxa. Qaq nachena qome nam pa'atec nam ỹotta'a't shiỹaxauapi da toolec maye deqaqta qataq qaica ca ñaxaalec.

Zacarías 11:1

¡'Am qasoxonaxa Líbano, 'auauatoiguilo naua 'anaso'omi, yaqto' na norec ỹavigaxat ana cedropi!

Isaías 37:24

Cha'aye 'auachegoxotchigui co'ollaxa so 'aramaxashec da 'ausheueetac Ñim Nataxala', qoneta': ‹Sauota'a ana ỹataqta qalota ñenaigonapi ñalaataxaquipi, da senotsheguemec na ỹataqta pa'asheguem ana qasoxonaxapi, qataq naua loiguiye ye Líbano, nache sechec ana ỹataqta logorai cedropi, qataq ana ỹataqta no'on piinopi. Qataq sevirasheguema yem ỹataqta qaỹoqotcheguema, yem aviaq maye 'eeta'am ca nanaxanaqa'.

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?