Jeremías 22:5 - La'aqtaqa Ñim Lo'onatac 'Enauacna 2013

⁵ Qalaxaye da saishet da qaualaqaigueta naua ỹa'aqtaqa, nache ne'ena nma' lta'araic, namaye nlachiguiñi qome. Qaq 'era da ỹa'aqtac, Aỹem Nataxala'.›»

Jeremías 22:5 Referans Kwoze

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Hebreos 6:13

Ñim Lo'onatac 'Enauacna ỹauo'o co'ollaxa de'era ỹachaxanapecot so Abraham, 'eeta': «Aỹem sauo'o qome ca 'anqouagaxa qataq 'am sami' ca ỹataqta qalota 'aỹa'alaqpi.» Co'ollaq Ñim Lo'onatac 'Enauacna da ỹami' de'era la'aqtac so Abraham da ipaqueelec, nache ỹan da la'aqtac chegoqchigui da maiche la'añaxac, cha'aye qaica ca lỹa 'amaqtaqaic da huo'otaq ỹachegoxoto'ot da la'añaxac.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Génesis 22:16

nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,

Jeremías 39:8

Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Isaías 1:20

qalaxaye da nache qoquiito'ot da sa qaualaqai, nache qoviỹaigui qome ca alaataxac da qami' qaỹalaua't.» Qaq 'era da la'aqtac Ñim Nataxala'.

Hebreos 6:17

Qaq ỹoqo'oye Ñim Lo'onatac 'Enauacna co'ollaq huotaique da ipaqueelec da ỹachaxanapec, nache ỹan da la'aqtac chegoqchigui da maiche la'añaxac da ỹan dam ỹachaxanapec ỹataqta ipagaqchiichigui.

Hebreos 3:18

Qataq ¿chaq negue't som detaxaỹa co'ollaxa Ñim Lo'onatac 'Enauacna da yaqto' saishet da huo'o ca nmataxac naqa'en da hualec ye 'alhua Canaán? ¡Qomye som saishet co'ollaxa da ỹalaq!

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Salmos 95:11

Qaq ỹoqo'oye huaigui co'ollaxa so ỹalemataic da san so ỹa'aqtac, da somayepi saishet qome da inoxoneua'a ye 'alhua maye sachaxanapeguem co'ollaxa, yem huaña taxa da nmatec ñaqa'en.»

2 Crónicas 7:22

Nache camayepi maiche 'eeta': ‹Cha'aye namayepi ca'ai Ñim Nataxala' maye Natamnaxala' so hua'au lta'alpi, maye nqateeguesop co'ollaxa ye Egipto, nache taỹa da ỹo'oxoreetac qataq natameetacot nam ỹaqa'a atamnaxala'pi, qaq ỹoqo'oye Ñim Nataxala', talec naqa'en de'era qauen namayepi.›»

2 Crónicas 7:19

Qalaxaye da aỹem qoquiỹa'ai, qataq sa qaualaqaiguet na iqataxacpi qataq na ỹamaxasoxonaxacpi maye qami' sanema, nacherata da qanqo'oñiỹa da qavio'oxoreñiitac qataq qanatamñiitacot na ỹaqa'a atamnaxala'pi,

Mateo 23:38

¡Qaq ñaq qauloỹa da toolec qome naua qarma'achilli'!

Jeremías 26:4

Qataq 'aua'aqtaxanem da Aỹem Nataxala' shenapec: ‹Da saishet da Aỹem qaualaqaiguet qataq sa qaupaquiileguete naua ỹapaxaguenataxanaxaco maye qami' sanema,

Jeremías 44:26

Qalaxaye 'enauac qami' Judá le'ecpi maye qoñiitaña na Egipto, ña qana'axaỹaxañiỹa dam ỹa'aqtac Aỹem Nataxala': San da ỹa'aqtac chegoqchigui dam 'amaqtaqaic ỹe'enaxat, da nam Judá le'ecpi saishet qome da qaltaq huo'o ca nasaqteguec da ỹe'enaxat, da hueta'a na Egipto da, 'eeta': ¡Nca'altauec Ñim Nataxala'!

2 Crónicas 7:21

Qaq ana'ana atamnaxaqui maye ỹataqta 'amaqtaqai, anamaye ỹe'eguelaxa qome da choche lapoosheguem na coma', cha'aye ỹataqta nlachiguiñi, nache 'enauac ca nlectot anamaye ỹataqta ỹe'elaxa nache, 'eeta': ¿Chaq ta'ainco' Ñim Nataxala' da 'eetec naqa'en de'era ne'ena 'alhua qataq ana atamnaxaqui?

Jeremías 12:7

«Aỹem sheca'ai co'ollaxa na ỹalamaxat nhuo' le'ecpi, qataq so'otan nam ỹalamaxat co'ollaxa. Nache saneguet da lhuaqỹaxac nam mpa'aguenaxauapi, nam nhuo' le'ecpi maye ỹauotaxat co'ollaxa.