Jeremías 22:30 - La'aqtaqa Ñim Lo'onatac 'Enauacna 2013

³⁰ Ñim Nataxala', 'enapec: «Qa'eyeeua'a qome da le'enaxat ne'ena ỹale aca naneraxalate na shiỹaxauapi, da 'eeta'am ca ỹale maye qaica ca llalaqpi, 'eeta'am ca ỹale maye huo'o da lletaxanaxac da nachaalataxac. Cha'aye cam chegoxoguetpi qome namaye, saishet da huo'o ca nso'ongui añi nso'onaxaqui so David da yaqto' qaltaq ilo'ogue na Judá.»

Jeremías 22:30 Referans Kwoze

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,

Salmos 94:20

Cha'aye 'am, saishet da 'anauochaxaua na nta'alpi maye cachaxaicpi, nam ỹo'ot na sa ỹaỹamaxañi da yaqto' dataỹa'aguet na namaxasoxonaxacpi,

Jeremías 10:21

Na nataxala'pi ne'ena nhuo' le'ecpi qaica ca ỹaỹaten, namayepi saishet da nmitaique Ñim Nataxala'. Qaq ỹoqo'oye saishet da nquittasheguem da lo'onataxanaxac, qataq 'enauac ana lalo qaguetapi nlagaxattac.

Jeremías 2:37

Qaq 'am nlaqchigui qome da 'ara'agaxa qom 'auachegoqchiguiña ye Egipto da 'añe'eguelaq, cha'aye Aỹem sa saconeguet nam shiỹaxauapi maye 'auachelec da 'arpi'iỹaxac, qaq qaica qome ca 'auachegoxotaigui da 'anauochaxac namayepi.»

Jeremías 22:2

qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.

Jeremías 29:32

Qaq Aỹem Nataxala', shenapec, sauo'o qome ca nhuaxanaguec ñi Semaías, qataq cam chegoxoguetpi ñimaye. Ñimaye qaica qome ca llalaqpi da ỹalectaigui nam ỹalamaxat nhuo' le'ecpi, qataq saishet qome da ỹaconeguet ca namaicỹaxac maye so'otec qome nam ỹalamaxat nhuo' le'ecpi, cha'aye naua la'aqtaqa ñimaye ỹaueegueta da Aỹem dataỹa'aguet. Qaq 'era da ỹa'aqtac Aỹem Nataxala' 'era da ỹa'aqtac.»

Jeremías 52:10

nache ỹauaachigui naqa'en somaye, co'ollaq damaxasoxoolec da qaicheguec na lqaic so llalaqpi, qataq 'enauac som 'amaqtaqaicpi ye Judá.

Da na'aqtaguec so Job 18:19

Nache ỹataqta qaica ca lauo' le'ec da no'onañi, qataq qaica da huo'o ca no'onalec ca lma' maye netalec co'ollaxa.