Jeremías 22:26 - La'aqtaqa Ñim Lo'onatac 'Enauacna 2013

²⁶ Nache 'am, qataq añi 'arate'e qami' so'ora'alo qome cam 'alhua maye saishet da qarañoqo'oi, qaq nache huaña camaye da qaullivi qome.»

Jeremías 22:26 Referans Kwoze

2 Reyes 24:15

Nache so Nabucodonosor, ỹachegoxotchiguiña ye Jerusalén da ỹauega ye Babilonia so nta'a Joaquín, qataq aso late'e, qataq aso lhuapi, qataq so ltauapi, qataq som 'amaqtaqaicpi yi'iye 'alhua.

Isaías 22:17

Ñim Nataxala' 'am ỹasaxauga qome ca ỹataqta qaỹoqta, 'eeta'am ca ỹale maye ỹataqta 'añaxaic. Nache 'am ỹaconeua'a qome, 'am irolec da la'añaxac,

2 Reyes 24:8

Qaq so Joaquín mashe ivi' soua dieciocho vi'iye da nachaalataxac co'ollaq ỹacoolec da lo'onataxanaxac, nache ivi' tres ca'agoxoiqa da nta'a, huaña ye Jerusalén. Qaq aso late'e somaye, Jerusalén lashe le'enaxat Nejustá, asom llale so Elnatán.

Jeremías 10:18

Cha'aye Ñim Nataxala', 'enapec: Aỹem nagui ỹataqta qaỹoqta qome ca sasaxague nam netalecpi ne'ena 'alhua. Aỹem sa secherapec namayepi, shapegueto' da ishet da Aỹem ỹanata.

Jeremías 13:18

«Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Jeremías 16:13

Qaq ỹoqo'oye qami' ñeqateeguesopa qome ne'ena 'alhua, nache qami' samaxalo cam 'alhua maye qami' qataq so hua'au qarta'ailpi saishet co'ollaxa da qauauañiỹa, qaq huaña nache ye na'a'q qataq ye pe qauo'onataxañiitacot cam laỹepi atamnaxala'pi, cha'aye aỹem saishet da qami' sechoxore'n qome.

Jeremías 22:27

Qaq huo'o qome da qaryaqai da qañe'eguelaqỹa na maiche qana'alhuai, qalaxaye saishet qome da qauañoxoche da qaltaq qañe'eguelaqai.

Jeremías 28:4

Qataq nataqa'en so'ot qome da ñe'eguelaxa ne'ena nma', so Jeconías som llalec so Joaquim maye nta'a ye Judá, qataq 'enauac som laỹepi shiỹaxauapi maye qaỹachegoxotchiguiña co'ollaxa na Judá da qaỹaueegue da Babilonia. Aja', Aỹem selaxachigui qome da lo'onataxanaxac ñi nta'a ye Babilonia. Qaq 'era da ỹa'aqtac Aỹem Nataxala'.»

Jeremías 29:2

Qaq de'era huetoigui co'ollaq ime da so nta'a Jeconías ca'ai ye Jerusalén lỹatec aso nate'e, qataq so ilotague' so nma' lta'araic, qataq so nataxala'pi ye Judá qataq ye Jerusalén, nataqa'en so ne'enaqtac lo'opi, qataq so lcat lo'opi.

Jeremías 44:14

Nache nam saq 'amaqtaq maye no'onañi na Judá, maye taỹa da naña ye Egipto, qaica qome ca ishet da naneltaxan, huo'otaq da nca'altauec. Qaq na'aictaxa da huotaique da ỹe'eguelaxa ye Judá da yaqto' naña yemaye, qalaq saishet qome da ỹañoxot. Nachaqcauate' caua sa 'amaqtache maye ishet da naneltaxa'n.»

2 Reyes 25:27

Qaq huetoigui co'ollaxa so na'a'q veintisiete soua doce ca'agoxoiqa soua treinta y siete vi'iye, da noxonec so Joaquín maye nta'a co'ollaxa ye Judá, nache so Evil Merodac, ỹacoolec da lo'onataxanaxac da nta'a ye Babilonia, qaq co'ollaq ivi' so 'oonolec vi'i da lo'onataxanaxac, nache isouec so Joaquín, nqateeguesop aso ncoñetaxanaxaqui.

2 Reyes 25:29

Huaña nache so Joaquín, naralaxa't soua alogo, nqa't soua alogo maye ncoñetaxaqui', qataq nache chegoqchiguiña da lquia'axaua naxa so nta'a, 'enauaque naua na'axa'te da nachaalataxac.

2 Reyes 25:30

Qataq nache 'enauac de'era nachaalataxac so Joaquín, da so nta'a ye Babilonia, ỹaata'am ana alom ye na'a'q da yaqto' lasheue naqa'en na lhuenecpi somaye.