Jeremías 22:25 - La'aqtaqa Ñim Lo'onatac 'Enauacna 2013

²⁵ da yaqto' 'am saneguet na 'ampa'aguenaxauapi maye huotaique 'am ỹalauat, nam ỹataqta 'arcolanaxatpi. Qataq 'am saneguet qome ñi Nabucodonosor maye nta'a ye Babilonia, qataq ye caldeopi.

Jeremías 22:25 Referans Kwoze

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Jeremías 22:28

Ñim Jeconías, ¿peta'a 'eeta'am aca naco'oña poxoỹaxai maye qaica ca naigui, huo'otaq cam nogoxoshet maye qaica ca nqopittega? ¿Ta'ainco' da ñimaye qataq nam llalaqpi da qaỹo'ora'a ca 'alhua maye saqaỹauana?

Proverbios 10:24

Cam ñe'etapeeguet ca qauemaic qaq nacheca ca naỹa'a camaye, qaq ca no'on da lataxac qalaq ipacchiguilo naua no'o'n lhuennataxaco.

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

Jeremías 27:6

Qaq ỹoqo'oye Aỹem sanem 'enauac ne'ena 'alhua da ilo'ogue ñim ỹamaxashec Nabucodonosor, maye nta'a ye Babilonia, qaq ivira'a da ilo'ogue ñaqa'en ñimaye na huauec shiguiỹacpi.