Jeremías 22:21 - La'aqtaqa Ñim Lo'onatac 'Enauacna 2013

²¹ Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 22:21 Referans Kwoze

Jeremías 32:30

Qaq nache 'eetai' naxa da chegoqta'ague nam nhuo' Israel, qataq na Judá, da ỹo'ottac naxa nam saishet da saỹamaxarenpi. Na Israel le'ecpi, saishet da ỹaxaañi da aỹem inogoqchettac, souaxat na atamnaxala'pi maye maiche lo'onatac namayepi. Qaq 'era da ỹa'aqtac Aỹem Nataxala'.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Isaías 48:8

'Am saishet co'ollaxa da 'aua'aqteguelec namayepi da qaỹa'axattac, qataq saishet da 'auauatton, cha'aye nache 'eetai' naxa da saishet da 'aua'aqa. Qaq Aỹem mashe saỹateetac da saishet da 'aualaq, cha'aye nache chegoqta'a co'ollaq 'auañiguiñi da 'am qailonec da saishet da 'aualaq.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Ezequiel 20:8

Qalaxaye somayepi Aỹem dataỹa'aguet co'ollaxa, nache saishet da Aỹem na'axaỹaxana, saishet da ỹaxanec na nqaigaxat natamnaxala'pi, qataq saishet da ca'ai na nqolacpi maye lalamaxat ye Egipto. Qaq Aỹem iuennataxac co'ollaxa da sematalec da ỹayeloxo somayepi, qataq da sauo'o ca nhuaxanaguec da huaña ye Egipto, choche ivitta'a da samachiguiñi da nmisheguem da ỹayeloxo.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Ezequiel 20:21

Qalaxaye nataqa'en som llalaqpi somayepi Aỹem saỹalaxaguet co'ollaxa. Saishet da ỹalaxaguet na iqataxacpi, qataq saishet da ipaguelec, qataq saishet da ỹo'ot na ỹamaxasoxonaxacpi, maye ỹo'ot da lca'alaxa cam ỹo'ot namayepi, qataq ishepaxanaqchet ye na'a'q mataxaqui maye ỹalamaxat. Qaq huaña nache huo'o da iuennataxac da sematalec da ỹayeloxo somayepi, qataq da ñematchiguiñi da huaña ye toolec 'alhua, da yaqto' vi'iiguet da ỹayeloxo,

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

2 Crónicas 33:10

Qaq Ñim Nataxala' detaxaỹot co'ollaxa so Manasés qataq so lauo' le'ecpi, qalaxaye somayepi saishet co'ollaxa da ỹalaxaguet Ñimaye.

Deuteronómio 31:27

Cha'aye aỹem saỹaten da ỹataqta sa qana'axaỹaxañi, qataq qami' qaramchiguilo, ten nagui da ñaq qami' salectaiguilo qalaq huo'o naxa da qauataiỹa'aguet Ñim Nataxala', ¿qaq chaq 'eetec ca qarataxaqui qom seleu?

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Salmos 129:1

Aỹem, ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec qaq nagui na Israel le'ecpi ishet da 'enapec.

Jeremías 3:24

Chegoqta'a co'ollaq ñaq qomi' nsoxoppi, nache nam ỹo'ot da na'agaxa atamnaxala'pi, nachena nam iqataqchet som la'añaqtegueshec co'ollaxa som qarta'alpi: Aso lalopi qaguetapi qataq so laỹepi na'atetpi qataq so llalaqpi ỹalleppi qataq aso llalepi 'alpi.

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 48:11

Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Zacarías 7:7

Ne'enaua ¿Peta'a saisheto' da nachenaua naua la'aqtaqa maye ỹa'n co'ollaxa Ñim Nataxala', ỹachegoxotchigui som hua'au la'aqtaxanaxanecpi, co'ollaq ye Jerusalén ñaq huetaigui da nlagaxayec, qataq nlaqchigui na shiỹaxauapi, qataq nataqa'en na laỹepi nỹecpi maye coleesop yemaye, qataq na 'alhuapi ye Néguev, qataq ye nalochiguiñi 'alhua, maye pa'aigue da nala' lliguiñi?

Jeremías 2:25

¡'Am Israel saishet qome da qaicaua caua 'arapela'ate cha'aye ishet da 'auque'emaq, qataq saishet da deqaqtegue 'anqa'en na 'arqosot souaxat na 'araquip! Qalaxaye 'am qonapec: ‹'A'i saishet, cha'aye aỹem sauotec nam ỹaqa'api atamnaxala'pi, nache aỹem seca'ategue namayepi.›»

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 25:4

Qaq na'aictaxa da Ñim Nataxala', ỹe'eguelaxattalec da qami' namaxalo so lamaxashecpi maye la'aqtaxanaxanecpi, qalaxaye qami' saishet co'ollaxa da qauqochiitega somayepi, qataq saishet da qana'axaỹaxañiỹa qataq saqaualaqaiguet.

Jeremías 25:7

Qaq nagui Ñim Nataxala', 'eeta': ‹Qami' saishet da Aỹem qaualaqaiguet, Aỹem qanogoqcheche, souaxat da qanatamñiitacot na atamnaxala'pi maye maiche qaro'onataqui, qaq souaxat de'era nache maiche qami' taleguete qome ca qauem.›

Jeremías 25:8

Qaq ỹoqo'oye Ñim Nataxala' maye Qaica ca Ỹaqalanapec, 'eeta': ‹Qaq cha'aye qami' saishet da qaualaqaigueta naua ỹa'aqtaqa,

Sofonías 3:2

Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.