Jeremías 22:19 - La'aqtaqa Ñim Lo'onatac 'Enauacna 2013

¹⁹ 'Am qaỹauogonnauga qome na pa'auec ye Jerusalén, nache 'am qailareñi qome qoneta'am ca 'ashena.»

Jeremías 22:19 Referans Kwoze

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Jeremías 15:3

Aỹem ñamaxa qome namayepi caua cuatro ỹotta'a't nhuaxanagueco: Qaỹalauat qome huaigui ca alaataxac qaq na pioxoppi ỹauogoleetac qome namayepi qataq na maỹopi maye chec na lapat qalaq chec qome namayepi qataq na huauec shiguiỹacpi chec qome namayepi. Qaq 'era da ỹa'aqtac Aỹem Nataxala'

2 Crónicas 36:6

Qaq so Nabucodonosor maye nta'a ye Babilonia, jec da iloquiaxan somaye nache loxonec, nache icoñerai' ỹanagui so ncoñetaxanaxat lcat bronce da yaqto' ỹauega ye Babilonia.

2 Reyes 9:35

Qalaxaye co'ollaq qanqo'oneuga asomaye da yaqto' qailareñi, nache ndotec so lqaic lpi'inec, qataq soua lapia'ate, qataq soua lhuaq lavi'illi da qailaleguete co'ollaxa.

1 Reyes 14:10

Qaq ỹoqo'oye 'enauac ca 'am chegoxoguetpi, talec qome ñaqa'en ca qauem, qataq ileu ñaqa'en 'enauac na ỹalleppi, maye 'am chegoxoguetpi maye netaña na Israel, na'aictaxa da nlatac, huo'otaq nam saishet da nlatac. Nache qaica ca no'onañi da nca'altauec ñaqa'en, 'eeta'am na la'atec na shiguiỹac da qanquelogosheguem nache ỹataqta qanmatta, nache qaica ca no'onañi qanqa'en.

2 Reyes 23:36

Qaq so Joacín, mashe ivi' soua veinticinco vi'iye da nachaalataxac co'ollaq ỹacoolec da lo'onataxanaxac, qaq ivi' soua once vi'iye da nta'a, huaña ye Jerusalén. Qaq aso late'e somaye, Rumá lashe le'enaxat da Zebuda, maye llale so Pedaías.

2 Reyes 24:6

Qaq co'ollaq ileu so Joacín, nache da lo'onataxanaxac talec so llalec Joaquín.

Eclesiastés 6:3

Ca ỹale ishet da ivi' cien ca llalaqpi, qataq qaỹoqtrec naua vi'iye da nachaalataxac, qaq na'aictoxo' da qaỹoqtec da nachaalataxac, qalaxaye da saishet da nque'etaxaachigui da no'on, qataq da saishet da qaỹaỹamaxatchiguiñi aca nhuachiqui, qaq aỹem shenapec da cam nogotolec maye nleuauec da ñeguiñi ỹactec ñaqa'en da ỹaỹamaqchiguiñi, qaq saq 'ena'am que'eca shiỹaxaua.

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Ezequiel 19:8

Qaq huaña nache nachaañi so lauoreuapi shiỹaxauapi da dataỹa'aguet somaye, nache ỹasaxalec somaye so laleguec nache loxonec.

Ezequiel 39:5

Qaq nache qoviitalec qome yem no'onaxa, cha'aye Aỹem ỹa'aqtac. Qaq 'era da ỹa'aqtac Aỹem Nataxala'.