Jeremías 22:18 - La'aqtaqa Ñim Lo'onatac 'Enauacna 2013

¹⁸ Qaq ỹoqo'oye da la'aqtac Ñim Nataxala', maye taalec so Joaquim, som llalec so Josías maye nta'a ye Judá, 'eeta': «Qaica qome ca nỹeelec ñimaye qom ileu. Qaica qome ca nỹeetac da 'eeta': ‹¡Aicoue 'am ỹaqaỹa! ¡Aicoue 'am ỹaqaỹole! ¡Aicoue 'am Nataxala'! ¡Aicoue 'am 'Amaqtaqaic!›

Jeremías 22:18 Referans Kwoze

Jeremías 16:6

Na 'amaqtaqaicpi qataq na qaica ca la'amaqchec 'enauac ileu qome huaña ne'ena 'alhua, nache qaica qome ca ilayiñi, qataq qaica ca nỹeelec, qataq qaica qome ca ỹachaxan da nqui'ic souaxat namayepi, da ique'emaqchet da lo'ocỹaxac qataq namarec na lqaic.

1 Reyes 13:30

Qaq co'ollaq ilayiñi somaye, nache ỹachaigui aso maiche lalamaqte nhuachiqui, nache nỹeetapeguelec, 'eeta': «¡Aicoue, 'am ỹaqaỹa!»

Jeremías 22:10

Saishet da qanỹeñiilec ye nta'a Josías; qataq saishet da qanỹeñiilec da l-leuaxa, maye nacherata da qanỹeñiilec som llalec Salún, cha'aye jec qaq saishet qome da qaltaq da ñe'eguelaq, nache saishet qome da nauane' yem 'alhua maye lañoqo'.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 34:5

Da 'al-leuaxa qome qalaq qaica camachaqca, qataq qaỹavigaxat qome na coraxat qom 'am qaỹatategueua'a, 'eeta'am da 'eetec da qaỹavigaxat na coraxat co'ollaq qaỹatategueua'a som hua'au 'arta'alpi maye hua'auñi da nta'alpi, nache qoỹeeta', qome: ¡Aicoue, 'am nataxala'! Qom qanayeetaigui da naquicoxo souaxat 'am. Qaq 'era da ỹa'aqtac, Aỹem Nataxala'.»

2 Crónicas 35:25

Qaq so Jeremías ỹo'ot co'ollaxa so lo'onec maye ỹa'axat da naquicoxo, souaxat da l-leuaxa so Josías. Qaq nache ivitta'a nagui da 'enauac na 'onaxanaxaicpi, qataq ana 'onaxanaxaipi da ỹo'ootac naxa na daquicota lo'onecpi da tachigui lauel so Josías. Qaq ne'ena no'onecpi ỹo'ot da nache lataxac nagui na Israel le'ecpi, qataq nache nanettalec ana lmalatepi na no'onecpi maye daquicota.

2 Samuel 1:26

¡Qaq aỹem ỹataqta saquico, souaxat 'am ỹaqaỹa Jonatán! ¡Cha'aye 'am ỹataqta aỹem 'arauotaxat co'ollaxa! Qaq de'era 'arauotaxanaqtaic co'ollaxa, napacalec da lauotaxanaqtaic aca 'alo.

2 Reyes 23:6

Nataqa'en damaxasoxoolec da qanqateeguesop ye Jerusalén so lqui'i aso Aserá maye netaigui aso atamnaxaqui maye lalamaqte Ñim Nataxala', nache ỹataqta ỹavigaxatta, huaña so la'auaxac Cedrón, ivira'a da nda'a't so alo, ime nache ichegoxolec aso huachiquipi.

2 Reyes 23:36

Qaq so Joacín, mashe ivi' soua veinticinco vi'iye da nachaalataxac co'ollaq ỹacoolec da lo'onataxanaxac, qaq ivi' soua once vi'iye da nta'a, huaña ye Jerusalén. Qaq aso late'e somaye, Rumá lashe le'enaxat da Zebuda, maye llale so Pedaías.

2 Reyes 24:6

Qaq co'ollaq ileu so Joacín, nache da lo'onataxanaxac talec so llalec Joaquín.

2 Crónicas 36:5

Qaq so Joacín mashe ivi' soua veinticinco vi'iye, da nachaalataxac co'ollaq ỹacoolec da lo'onataxanaxac da nta'a, nache ivi' once vi'iye da ilotague' ye Jerusalén. Qalaxaye ỹataqta qauem nam ỹo'otpi maye ỹauaachigui Ñim Nataxala' maye Natamnaxala'.

Jeremías 22:12

nacherata da ileuaña cam 'alhua maye qaỹauega da qaicoñe', nache saishet da qaltaq ñe'eguelaxa ne'ena na'alhua.

1 Crónicas 3:15

Qaq soua llalqa so Josías, so ỹe le'enaxat Johanán, qaq so ca'atalec somaye Joacín, qaq so lỹa Sedequías, qataq so lỹa Saum.

Jeremías 21:11

Qonapega nataqa'en nam chegoxoguet so nta'alpi na Judá da na'axaỹaxana da la'aqtac Ñim Nataxala'.

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,