Jeremías 22:16 - La'aqtaqa Ñim Lo'onatac 'Enauacna 2013

¹⁶ Somaye iueelec co'ollaxa na choxoraqpi qataq na huo'o da lhuenaxanaxa, qaq ỹoqo'oye no'on da llecỹaxac. Qaq 'era da lataxac maye ỹachaxan da Aỹem qaỹauatton. Qaq 'era da ỹa'aqtac Aỹem Nataxala'.

Jeremías 22:16 Referans Kwoze

Jeremías 9:24

Qaq da huo'o ca huotaique da na'amaqten qalaq iuen da na'amaqten souaxat da Aỹem ỹauatton, qataq ỹaỹaten da nachaỹem maye Aỹem Nataxala', maye sauota'a da isoxoyec da so'onataxaatac ana 'alhua, qataq so'ot da nalochiguiñi lataxac qataq da no'on lataxac, cha'aye nachera dam saỹamaxareeta. Qaq 'era da ỹa'aqtac, Aỹem Nataxala'.»

Isaías 1:17

¡Qanapaxagueñiỹa da qauo'oche ca no'on, qana'añaxache da qauo'oche ca nalochiguiñi, qautauañi ca shiỹaxaua maye sa qaiyacnapec, qauo'ochec ca ỹaỹamaqchiguiñi lataxac ca saploq, qataq qavicheelec aca pa'ai!»

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»

Salmos 109:31

Cha'aye Ñimaye iueelec na choxoraq, da yaqto' nca'alaxateeguesop nam ỹo'ottac da nhuaxanaguec namayepi.

Salmos 9:10

'Am Nataxala' ỹataqta 'am pi'iỹa'a na 'am ỹauatton, cha'aye 'am saỹauano' da 'aualat ca 'am nmittaique.

Jeremías 5:28

qataq chaxaraicpi, qataq ño'oxonnaxaicpi. Nam qauem maye ỹo'ottacpi qalaq qaica ca loga't, qataq saishet da ỹo'otec ca nalochiguiñi lataxac nam saploqpi, qataq saishet da iueelec nam choxoraqpi.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Salmos 36:10

Qataq 'aỹa'anem da 'arauotaxanaqtaic na 'am ỹauatton, qataq da ỹaỹamaqchiguiñi lataxac na shiỹaxauapi maye no'on da lataxac.

Proverbios 31:9

'Anlamaxaren da 'autaqa, 'auo'ot ca nalochiguiñi lataxac, ỹataqta 'aueelec na choxoraq qataq na huo'o da lhuenaxanaxa.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.