Jeremías 22:15 - La'aqtaqa Ñim Lo'onatac 'Enauacna 2013

¹⁵ ¿'Aupi'itaxaatega peta'a da ca nta'a, nda'a't da na'attalec da netaigui ca coleesopa na cedro? So 'arta'a co'ollaxa saishet da choche deque'etac qataq nỹomtac, maye nataqa'en ỹo'ottac da nalochiguiñi lataxac qataq da no'on lataxac, qaq ỹoqo'oye somaye no'on da llecỹaxac.

Jeremías 22:15 Referans Kwoze

2 Reyes 23:25

Qaq ỹataqta qaica ca lỹa nta'a, som hua'aupi qataq som ca'atalecpi somaye, da 'eeta'am somaye da ỹalaxaguet Ñim Nataxala', da ỹataqta imato'ot da lquiyaqteỹaxac, nachaalataxac, qataq da la'añaxac, nache ipacchigui 'enauac na lqataxacpi so Moisés.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Eclesiastés 10:17

¡Qalaxaye ỹataqta machiguiñi cam 'alhua, maye ilotague' ca nta'a maye huo'o naq 'enec qanqa'en, qataq nam ltauapi ipacchigui ye laloqo' da deque'e, da yaqto' qaltaq huo'o da la'añaxac, qalaxaye saishet da yaqto' taxaicpi!

Proverbios 25:5

qataq 'anqateua'a na qauemaicpi maye do'onataxaatacot ca nta'a, yaqto' da lo'onataxanaxac camaye ishet da na'attalec da nalochiguiñi lataxac.

Proverbios 29:4

Ca nta'a maye ỹo'ot da nalochiguiñi lataxac, ỹo'ot da qaica ca iraxaatapigui' na netalec ca na'alhua, qaq ca ndotec da iỹaxaataua'a da nsheetenaxanaxac qalaq taỹañecra naqa'en na netalec que'eca 'alhua.

2 Reyes 22:2

Qaq so Josías, ỹo'ot co'ollaxa nam ỹataqta ỹaỹamaxareeta Ñim Nataxala', cha'aye icaachigui da no'on lataxac so lta'a David, da ỹataqta saishet da dasheuec.

Jeremías 42:6

Qaq saỹamaxannaqta huo'otaq saishet cam lasataxac Ñimaye, qalaxaye qomi' salaxasoxoguet qome Ñim Nataxala' maye Qanatamnaxala', cha'aye 'am seỹaxanaqot da 'auquiguiỹo'ot da yaqto' sana'aigue da qoyecỹaxac.

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Proverbios 21:3

Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

1 Reyes 10:9

¡Qaq ỹataqta qaỹo'oxoren qome Ñim Nataxala' maye 'Anatamnaxala', cha'aye Ñimaye 'am ỹaỹamaxareeta, nache 'am ỹanem da no'onataxanaxac da 'am nta'a na Israel! Cha'aye Ñim Nataxala', nache 'eetai' de'era lauotaxanaqtaic na Israel le'ecpi, nache 'am ỹanagui da 'am nta'a, yaqto' da 'aulo'ogue namayepi nache nalochiguiñi, qataq ỹaỹamaqchiguiñi da 'aro'onataxanaxac.»

2 Samuel 8:15

Nache so David ilo'ogue co'ollaxa 'enauac ye Israel, qataq ỹo'otec da ỹaỹamaqchiguiñi 'enauac se'eso nhuo' le'ecpi.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

Hechos 2:46

Nache 'enauaque naua na'axa'te lapootega't, qanayeeta'a aso no'onaxanaxaqui late'erai, qataq da qanayeetaugalo naua nma'ate da nquia'axauapi, ỹataqta machiguiñi qataq qaica ca na'amqaanaxac.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Jeremías 22:18

Qaq ỹoqo'oye da la'aqtac Ñim Nataxala', maye taalec so Joaquim, som llalec so Josías maye nta'a ye Judá, 'eeta': «Qaica qome ca nỹeelec ñimaye qom ileu. Qaica qome ca nỹeetac da 'eeta': ‹¡Aicoue 'am ỹaqaỹa! ¡Aicoue 'am ỹaqaỹole! ¡Aicoue 'am Nataxala'! ¡Aicoue 'am 'Amaqtaqaic!›

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Proverbios 31:9

'Anlamaxaren da 'autaqa, 'auo'ot ca nalochiguiñi lataxac, ỹataqta 'aueelec na choxoraq qataq na huo'o da lhuenaxanaxa.

Proverbios 20:28

Da nchoxonnataxanaxa qataq da 'eesa lataxac, nachera da nlletañi ca nta'a, cha'aye da lo'onataxanaxac da nta'a na'attalec da nsoxoyec.

2 Crónicas 34:2

Qaq so Josías, ỹo'ot co'ollaxa nam ỹataqta ỹaỹamaxareeta Ñim Nataxala', cha'aye icaachigui da no'on lataxac som chegoxoguet David, da ỹataqta saishet da dasheuec.

1 Crónicas 3:15

Qaq soua llalqa so Josías, so ỹe le'enaxat Johanán, qaq so ca'atalec somaye Joacín, qaq so lỹa Sedequías, qataq so lỹa Saum.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Jeremías 7:5

Da qano'onaxache da qarataxaqui qataq dam qaro'onataxanaxaqui, qataq da ñi 'oonolec da qoñiita ỹo'otec ca no'on lataxac ca lỹa,

2 Crónicas 35:22

Qalaxaye so Josías saishet co'ollaxa da ỹe'eguelaq, nacherata da ipactague' da delogui' somaye, nache saishet da qocha'a da lvitaqtaxanaxac so Necao maye ỹachegoxoto'ot Ñim Lo'onatac 'Enauacna. Qaq ỹoqo'oye taỹa co'ollaxa so ca'amegue ye Meguido da delogui' somaye,

2 Crónicas 35:26

Qaq na laỹepi na'aqtaguecpi so Josías, qataq nam no'on ỹo'otpi maye ipacchigui nam nanettalec aso nere maye huetalec na lqataxacpi Ñim Nataxala',