Jeremías 22:13 - La'aqtaqa Ñim Lo'onatac 'Enauacna 2013

¹³ ¡Choxoraxaso' 'am maye 'auachegoxotchigui na qauem qataq na sanalogoñi lataxac da 'ano'oxoosheguem na 'arma' lta'araicpi qataq nam logoraic nỹecpi, qataq 'auo'onataxanaxan na laỹepi shiỹaxauapi, qaq saishet da 'ausheeten da lo'onataxanaxac!

Jeremías 22:13 Referans Kwoze

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Miqueas 3:10

qataq qano'oxoñiisheguem ye huaqta'a't nỹecpi ye Jerusalén maye nalec añi qasoxonaxa ye Sión, nache chegoqchigui qanaqa'eñi da nalaataxanaxac qataq da sa naloguiñi lataxac.

Levítico 19:13

Saishet da huo'o ca sa icherapec ca lỹa, qataq saishet da qauotaxañic ca maiche lalamaxat. Qataq saishet da qanlliitañi ca nsheetenaguec ca 'onataxanaxaic da qaviraxachiỹa'a ca lỹa na'a'q.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 22:18

Qaq ỹoqo'oye da la'aqtac Ñim Nataxala', maye taalec so Joaquim, som llalec so Josías maye nta'a ye Judá, 'eeta': «Qaica qome ca nỹeelec ñimaye qom ileu. Qaica qome ca nỹeetac da 'eeta': ‹¡Aicoue 'am ỹaqaỹa! ¡Aicoue 'am ỹaqaỹole! ¡Aicoue 'am Nataxala'! ¡Aicoue 'am 'Amaqtaqaic!›

2 Crónicas 36:4

Qaq so nta'a ye Egipto, nataqa'en ỹanagui da nta'a, da ilo'ogue ye Judá qataq ye Jerusalén so Eliaquín, som lqaỹa so Joacaz, nache naralaxat da le'enaxat ỹanagui da Joacín, qaq so Joacaz qalaq icoñi' nache ỹauega ye Egipto.

2 Crónicas 36:5

Qaq so Joacín mashe ivi' soua veinticinco vi'iye, da nachaalataxac co'ollaq ỹacoolec da lo'onataxanaxac da nta'a, nache ivi' once vi'iye da ilotague' ye Jerusalén. Qalaxaye ỹataqta qauem nam ỹo'otpi maye ỹauaachigui Ñim Nataxala' maye Natamnaxala'.

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Deuteronómio 15:13

Qaq da 'ausouec camaye nache saishet da qui'itchiguilo 'anqa'en naua lhuaxaye da jec,

Da na'aqtaguec so Job 31:39

Qataq da huo'o ca secachiỹa ca lañiguishec ala da sa sesheeten, huo'otaq da huo'o ca sachoxoren, na lalamaxat ne'ena nañiguishecpi,

Habacuc 2:12

Qaq choxoraxaso', 'am Babilonia maye 'ano'oxoosheguem na huaqta'a't nỹecpi, da chegoqchigui 'anqa'en naua 'aucolde'c ntago'q, qataq dam qauem lataxac.