Jeremías 22:1 - La'aqtaqa Ñim Lo'onatac 'Enauacna 2013

¹ Ñim Nataxala' aỹem 'enapega, 'eeta': «Jeremías, ña 'anqo'ona qome ñi lma' lta'araic ñi nta'a, nache huaña qome da 'aua'axat de'era ỹa'aqtac

Jeremías 22:1 Referans Kwoze

Jeremías 34:2

«Aỹem Nataxala' maye Natamnaxala' na Israel le'ecpi, 'am samaq da 'anqo'oneua'a ñi Sedequías maye nta'a na Judá, nache qonapega, qoneta: 'Eeta' da la'aqtac Ñim Nataxala': Aỹem so'ot qome da ñi nta'a ye Babilonia loxonec ne'ena huaqta'a't nỹecpi, nache ỹavigaxat qome.

Amós 7:13

Qalaxaye nache 'avia'axaneguet da 'ara'aqtaxanaxac da qoueta'a na Betel, cha'aye namaye nache natamnaqa' na nta'a, qataq na shiỹaxauapi.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Jeremías 21:11

Qonapega nataqa'en nam chegoxoguet so nta'alpi na Judá da na'axaỹaxana da la'aqtac Ñim Nataxala'.

2 Crónicas 33:10

Qaq Ñim Nataxala' detaxaỹot co'ollaxa so Manasés qataq so lauo' le'ecpi, qalaxaye somayepi saishet co'ollaxa da ỹalaxaguet Ñimaye.

2 Samuel 12:1

Qaq Ñim Nataxala' ỹamaq so na'aqtaxanaxanec Natán, da nqo'ona so David. Qaq co'ollaq ivireuo so Natán, nache 'enapega so David, 'eeta': Huo'oi soua dos shiỹaxau', neraña so huaqta'a't nỹecpi. So 'oonolec sallaxanec, qaq so lỹa choxoraq.

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Jeremías 22:2

qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.