Jeremías 21:9 - La'aqtaqa Ñim Lo'onatac 'Enauacna 2013

⁹ Qaq cam no'onaña ne'ena huaqta'a't nỹecpi, qalaq ileuaigui qome ca alaataxac huo'otaq ca nqouaxa huo'otaq ca napiina. Qaq cam nañaneguet na caldeopi maye coleesop nagui na huaqta'a't nỹecpi, camaye saishet qome da ileu, nacherata da nca'alec qome.

Jeremías 21:9 Referans Kwoze

Jeremías 38:2

«Ñim Nataxala', 'enapec: Cam no'onaña na huaqta'a't nỹecpi nache camaye ileuaigui qome ca alaataxac, huo'otaq ca nqouaxa, huo'otaq ca napiina. Qalaxaye cam ca'ai namaye, qataq nañaneguet na caldeopi, nache camaye nca'alec.

Jeremías 45:5

Qaq 'am saishet qome da 'anmittaique ca lta'araic 'araỹamaxa, cha'aye Aỹem ñanacot qome cam qauem da talec 'enauac nam shiỹaxauapi. Qalaxaye 'am so'otec qome da nache 'anca'altauec maicheye cam 'aigue. Qaq da 'anachaalataxac nachera dam 'arhuotaxanaxat maye chegaqaigui ca alaataxac. Qaq 'era da ỹa'aqtac Aỹem Nataxala'.›»

Jeremías 39:18

Aỹem 'am ñeca'alaxateeguesop qome da 'analaataguec. Nache 'am 'aushet qome da 'ananeltaxan, cha'aye Aỹem 'aupi'iỹa'a. Qaq 'era da ỹa'aqtac Aỹem Nataxala'.»

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Jeremías 27:13

Cha'aye ¿ta'ainco' taxa da 'am 'aleu, qataq na 'arhuo' le'ecpi da huaigui ca alaataxac, huo'otaq souaxat ca napiina? Cha'aye Ñim Nataxala' ỹa'axat co'ollaxa de'era da talec cam shiỹaxauapi maye saishet da nañanot ñi nta'a ye Babilonia.

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 24:10

Qataq ñamaxa qome namayepi ca alaataxac, qataq ca nqouaxa, qataq ca napiina, nache choche ivitta'a qome da qaica da 'oonolec ca no'onalec ne'ena 'alhua, maye sanem co'ollaxa namayepi, qataq som hua'au lta'alpi.»

Jeremías 27:11

Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Jeremías 27:12

Qaq aỹem Jeremías, sepagaqchiichigui co'ollaxa da sa'axatem ne'enaua na'aqtaqa ñi Sedequías maye nta'a na Judá qataq nataqa'en shenapega, sheeta': «Qanañañeeguet qome da la'añaxac ñi nta'a ye Babilonia qataq nam lauo' le'ecpi yaqto' qanca'alleeuec.

Jeremías 38:3

Ñim Nataxala', 'eeta': Ne'ena huaqta'a't nỹecpi loxonec qome na nalleppi ñi nta'a ye Babilonia. Ñimaye ỹacona qome namaye, nache qaica ca ishet da naneltaxan.»