Jeremías 21:7 - La'aqtaqa Ñim Lo'onatac 'Enauacna 2013

⁷ Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 21:7 Referans Kwoze

Jeremías 37:17

Nache so nta'a Sedequías damaxasoxooña co'ollaxa so Jeremías da qaỹeuegueua'a so lma' lta'araic somaye, nache so Jeremías co'ollaq qaỹauegueua'a so nta'a, nache se'eso nta'a ndote' da inat somaye, 'eeta': ¿Peta'a huo'o ca la'aqtaxanaxac Ñim Nataxala'? Nache so Jeremías ỹasat, 'eeta': Aja', qaq damaye, 'eeta': 'Am nta'a, 'am loxonec qome ñi nta'a ye Babilonia.

Ezequiel 7:9

Qaq saishet qome da 'am sechoxoreetac, sauo'o qome ca 'anhuaxanaguec souaxat dam qauem 'arataxac, qataq so'ot da 'ausheeten nam naigui nam 'auo'otpi maye qaiqaiga. Qaq huaña nache 'auaỹaten da Aỹem Nataxala' maye so'ot da 'anhuaxanaguec.

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Deuteronómio 28:50

shiỹaxauapi maye ỹataqta chaqaic da lashiguiỹaxac, qataq sa ichoxoreetac ca ỹa'axaiquipi qataq ca ñaqpiolec.

Ezequiel 9:10

Qaq ỹoqo'oye Aỹem saishet da sechoxoreetac qome namayepi, nacherata da talec ñaqa'en ca naigui dam qauem lataxac.»

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Isaías 47:6

Aỹem co'ollaq salemataỹa nam ỹalamaxat nhuo' le'ecpi, nache saneguet namayepi da saqaỹaỹamaxatapec, qataq saneguet da 'ara'añaxac. Qaq 'am saishet da 'auchoxoreetac co'ollaxa namayepi, na ỹa'axaiquipi maye nataxala'pi qalaq 'auachelec co'ollaxa nam qapa'atta lla'ac.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Jeremías 15:5

¿Negue't cam 'am ichoxoren qome 'am Jerusalén? ¿Negue't ca daquico qome souaxat da qoneta? ¿Negue't qome ca 'am huapegue' da 'am nataren?

Jeremías 15:9

Anam nate'elpi maye qalota na llalaqpi decopchetac qome, nache qaica ca la'añaxac, qataq huo'o da la'aloxo qataq qaica ca 'enec qanqa'en, ye yo'oqchiguiñi qalaq ỹe'eguelaxa da napalñi. Qaq da huo'otaq huo'o ca nca'altauec, nache so'otec da ca mpa'aguenaxaua ỹalauat camaye. Qaq 'era da ỹa'aqtac, Aỹem Nataxala'.»

Jeremías 22:25

da yaqto' 'am saneguet na 'ampa'aguenaxauapi maye huotaique 'am ỹalauat, nam ỹataqta 'arcolanaxatpi. Qataq 'am saneguet qome ñi Nabucodonosor maye nta'a ye Babilonia, qataq ye caldeopi.

Jeremías 27:6

Qaq ỹoqo'oye Aỹem sanem 'enauac ne'ena 'alhua da ilo'ogue ñim ỹamaxashec Nabucodonosor, maye nta'a ye Babilonia, qaq ivira'a da ilo'ogue ñaqa'en ñimaye na huauec shiguiỹacpi.

Jeremías 34:3

Qaq 'am saishet qome da 'auañoxot da 'ananeltaxaneguet da la'añaxac ñimaye, 'am noxonec qome, nache 'am qoỹaneua'a ñimaye, qaq qom ime da 'am qoỹaneua'a ñimaye, nache 'am qaỹaueegue qome da Babilonia.

Ezequiel 23:28

Qaq 'era da ỹa'aqtac, Aỹem Nataxala': 'Am saneguet qome da lhuaqỹaxac yem 'arquiỹaxatpi qataq yem 'auqaiga co'ollaxa.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Jeremías 20:4

Cha'aye Ñim Nataxala', 'enapec: ‹Nagui 'am she'eguelaxata qome da huo'o da 'arcolanaxa, qataq na 'anauochaxauapi, qataq 'auauaachigui qome na 'ampa'aguenaxauapi da ỹalauat na 'anauochaxauapi irolec ca ỹeelonec. Aỹem saneguet qome 'enauac nam hueta'a na Judá, da lhuaqỹaxac ñim nta'a ye Babilonia, qaq ñimaye ỹauega qome namayepi ye Babilonia, huo'otaq da ỹalauat irolec ca ỹeelonec.

Jeremías 32:4

qaq ñi nta'a Sedequías saishet qome da ỹañoxot da naneltaxaneguet na caldeopi, nacherata da loxonec qome ñi nta'a ye Babilonia, nache nachaateua'a qome ñimaye.

Jeremías 36:29

Ime, nache qoneta': 'Era da la'aqtac Ñim Nataxala': 'Am 'auavigaxat co'ollaxa aso nere, qataq 'auauotaique da 'auaconeua'a co'ollaxa so Jeremías, souaxat da ỹerelec asa'aso nere, da ñi nta'a ye Babilonia anac qome qaica ca iuatta'a, da yaqto' ilaxachigui ne'ena 'alhua, nache qaica naqa'en ca no'onañi na shiỹaxauapi, qataq nam shiguiỹacpi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Lamentaciones 2:20

Ña 'aulogui 'am Nataxala', qataq 'auennataxaalec da saỹauano' da huo'o ca qonetec de'era. ¿Isheto' peta'a nam nate'elpi da chec nam llalaqpi maye ñaq lleptac? ¿Peta'a iuen da qaỹalauat nam ntaxaỹaxanaxanecpi, qataq nam na'aqtaxanaxanecpi da huagui ñim npe'l maye 'aralamaxat?

Lamentaciones 2:22

Qataq 'auachegoxotteguelo co'ollaxa da 'auanacot nam lcheguesat, 'eeta'am da qanqo'ona ca huo'o da la'amaqchec na'ashaxac, som na'a'q co'ollaq 'aualemata 'Am Nataxala' qalaq qaica ca ishet da datauec. Som ñepa'aguenaxauapi qalaq ỹalauat co'ollaxa, som ỹaqtacpi qataq so ỹapaxaguenatacpi.