Jeremías 21:14 - La'aqtaqa Ñim Lo'onatac 'Enauacna 2013

¹⁴ Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Jeremías 21:14 Referans Kwoze

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.

Jeremías 9:25

Ñim Nataxala', 'enapec: Anacta na na'a'q maye huaigui da sauo'o ca nhuaxanaguec 'enauac na nhuo' le'ecpi maye ỹo'ot na na'anaxat da lo'ocỹaxac:

Zacarías 11:1

¡'Am qasoxonaxa Líbano, 'auauatoiguilo naua 'anaso'omi, yaqto' na norec ỹavigaxat ana cedropi!

Jeremías 22:7

Qataq ñamaq qome ca shiỹaxauapi maye na'atchiguiñi na lo'ogoxonaxatpi da 'am dataỹa'aguet da yaqto' 'am ilaxachigui. Qataq iquesoq ana 'arhuoqtepi maye cedropi, qaq ime nache ỹasaxangui ca norec.

Jeremías 11:22

Ñim Nataxala' maye qaica ca Ỹaqalanapec, 'enapega namayepi, 'eeta': «Aỹem sauo'o ca qanhuaxanaguiqui: nam nsoxoppiolec qaỹalauat qome qaira'a ca ỹeelonec, qaq na qaỹa'alquipi ỹalleppi qataq ana 'alpi ilem qome na lqouaxa.

Jeremías 6:29

Ca nasaunaxanaxat da lta'araic na la'at nache ỹo'ot da ca norec quiguiñi naqa'en ca lcat, qaq namayepi qaica ca naigui da qaiỹo, cha'aye nam qauemaicpi saishet da imeuo.

Isaías 37:24

Cha'aye 'auachegoxotchigui co'ollaxa so 'aramaxashec da 'ausheueetac Ñim Nataxala', qoneta': ‹Sauota'a ana ỹataqta qalota ñenaigonapi ñalaataxaquipi, da senotsheguemec na ỹataqta pa'asheguem ana qasoxonaxapi, qataq naua loiguiye ye Líbano, nache sechec ana ỹataqta logorai cedropi, qataq ana ỹataqta no'on piinopi. Qataq sevirasheguema yem ỹataqta qaỹoqotcheguema, yem aviaq maye 'eeta'am ca nanaxanaqa'.

Isaías 24:21

Que'eca na'a'q Ñim Nataxala' ỹauo'o qome ca nhuaxanaguec na 'añaxaicpi maye hueto'ot na piguem qataq na nta'alpi maye netalec ana 'alhua.

Isaías 10:12

Qaq Ñim Nataxala' qom imat 'enauac nam ỹo'otecpi qome añi qasoxonaxa Sión qataq ye Jerusalén, nache ỹauo'o ca nhuaxanaguec ñi nta'a ye Asiria souaxat da na'amaqchengui nam ỹo'otpi, qataq da ño'oxonnaxac qataq da napagaqaanaxac.

Isaías 10:16

Qaq ỹoqo'oye Ñim Nataxala' maye Qaica ca Ỹaqalanapec qaica qome ca la'añaxac naqa'en nam ỹataqta 'añaxaicpi, qataq ỹo'ot da 'eroigui na lo'oc souaxat na le'eraxa ca napaxa.

Jeremías 11:16

Ñim Nataxala' ỹauo'o co'ollaxa da 'are'enaxat, 'eeta': «oliivo maye qalochiguiñi ana lcouepi, qataq nlaqchigui ana no'on ala.» Qalaxaye huaigui naqa'en so lta'araic nalataxa, da Ñimaye ỹegueua'a ana 'arauepi nache ỹavigoigui ana 'arcouepi.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Jeremías 22:1

Ñim Nataxala' aỹem 'enapega, 'eeta': «Jeremías, ña 'anqo'ona qome ñi lma' lta'araic ñi nta'a, nache huaña qome da 'aua'axat de'era ỹa'aqtac

Jeremías 46:23

¡Nache nquesoxoñi ye sansattec aviaq! Qaq 'era da ỹa'aqtac Aỹem Nataxala'. Cha'aye namayepi napacalec ye lcata ana shiiquioxoipi, nache qaica ca ishet da naloqten.

Jeremías 50:32

Qami' ỹotta'a't shiỹaxauapi maye qaica ca qanỹeñi, qaupogolaxañiiñi qome nache qoviỹañi, nache qaica ca qami' naviguiyeshegue'm. Aỹem savigaxat qome 'enauac na 'aralamaxat huaqta'a't nỹecpi maye ỹotta'a't naua nañalo, qaq que'eca norec nlaxatchiguiñi qome 'enauac nam 'am coleesoppi.

Lamentaciones 2:3

Co'ollaq 'eroigui da lalemataic nache nlaxaañi 'enauac da la'añaxac so Israel, qomi' ca'aisalo co'ollaq sataỹaqa'aguet so qampa'aguenaxauapi, nache ỹavigaxat so Jacob, 'eeta'am ca norec da ỹavigaxat 'enauac nam natenalec.

Proverbios 12:14

Ñi 'oonolec ỹaconeguet ca alaỹaxac na maiche la'aqtacpi, qataq ỹaconeguet da lashiichiỹaxac cam ỹo'ottac.

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Ezequiel 21:3

nache qonapega, qoneta': Da la'aqtac Ñim Nataxala', 'eeta': Aỹem ñechoxot da 'am sataỹa'aguet. Aỹem ñeqatsheguem qome na ỹainec, nache salauat na no'on da lataxac, qataq na qauem da lataxac.

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.