Jeremías 21:13 - La'aqtaqa Ñim Lo'onatac 'Enauacna 2013

¹³ Aỹem 'am sataỹa'aguet 'am Jerusalén, 'am maye 'amattalec na ca'amegue qataq qoneta'am ca coma' maye netalec na nalochiguiñi 'alhua. Qaq 'era da ỹa'aqtac, Aỹem Nataxala'. Qami' maye qoñeeta' naxa: ¿Negue't ca ishet da qomi' iloquiaxa'n? ¿Negue't cam ishet da nvira'a nam qanqañoxotaqa'?

Jeremías 21:13 Referans Kwoze

Ezequiel 13:8

Qaq ỹoqo'oye Aỹem, maye Aỹem Nataxala', shenapec: Qaq cha'aye qami' ye qaua'axacheeta'ape naua saq'en, qataq naua qarauanaqchecolli' choche ashepegaxanaxaco, nache Aỹem qami' sataỹa'agueta. Qaq 'era da ỹa'aqtac Aỹem Nataxala'.

Lamentaciones 4:12

Na nta'alpi qataq na shiỹaxauapi maye huetalec ana 'alhua, saishet co'ollaxa da ỹa'amaqten da na npa'aguenaxauapi qataq na lasaxauapi ishet da tateua'a na ñegueuopi da inoxoneua'a ye Jerusalén.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Jeremías 50:31

Ñim Nataxala' maye Qaica ca Ỹaqalanapec, 'eeta': Qami' ỹotta'a't shiỹaxauapi maye qaica ca qanỹeñi, Aỹem qami' sataỹa'agueta, mashe ivita na na'a'q qataq na laloqo' da sauo'o ca qanhuaxanaguiqui.

Salmos 125:2

'Eeta'am ye Jerusalén da coleesop ana qasoxonaxapi, da 'eetec Ñim Nataxala' da coleesop nam lalamaxat nhuo' le'ecpi, nagui qataq nache 'eetai'.

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Isaías 22:1

Da na'aqtac da qaỹa'axata'a so ca'amegue maye huaña so nauanaqchec: ¿Ta'ainco' ye 'enauac da qoñeeta da qa'aisheguema na l-laq na nỹecpi?

Jeremías 51:25

Aỹem 'am sataỹa'aguet 'am qasoxonaxa maye laqtaxanaxai, maye 'aulaxachigui 'enauac ana 'alhua. Qaq 'era da ỹa'aqtac Aỹem Nataxala'. Ñauaxaỹaxaasheguem qome na ihuaq da sauo'o ca 'anhuaxanaguec, nache 'am sachegoxotasheguema ana coma'pi da 'am seqalagoxotta, nache 'am she'eguelaxata da qoneta'am aca lcomaraxalate ỹavicta.

Jeremías 7:4

Saishet qome da qaupi'iitega nam qami' ỹatenachetta'ape naxa maye, 'eeta': ¡'Ena na netaña ana atamnaxaqui maye lalamaqte Ñim Nataxala'! ¡'Ena na netaña ana atamnaxaqui maye lalamaqte Ñim Nataxala'! ¡'Ena na netaña ana atamnaxaqui maye lalamaqte Ñim Nataxala'!

Éxodo 13:8

Nache que'eca na'a'q qami' qome qaua'axacheetapeguem ca qaỹa'alquipi, qoñiita': De'era qaỹo'ot nagui, nachera da qomi' 'eeteque Ñim Nataxala' co'ollaq qolqa'ai naqa'en ye Egipto.

Éxodo 13:20

Qaq so Israel le'ecpi co'ollaq ca'ai ye Sucot, nache qaltaq hua'a ye Etam, yem chegoqchiguiña ye toolec 'alhua.

Ezequiel 5:8

Qaq ỹoqo'oye Aỹem Nataxala', sheeta': Aỹem nataqa'en 'am sataỹa'aguet, 'am Jerusalén, sacoolec da ñemit na 'arasouaxashetpi, ỹauaachigui ñaqa'en na ỹotta'a't shiỹaxauapi.

Ezequiel 21:3

nache qonapega, qoneta': Da la'aqtac Ñim Nataxala', 'eeta': Aỹem ñechoxot da 'am sataỹa'aguet. Aỹem ñeqatsheguem qome na ỹainec, nache salauat na no'on da lataxac, qataq na qauem da lataxac.

Ezequiel 34:10

maye qami' sanema: Qami' qagueta lo'opi, Aỹem ñechoxot da qami' ñepa'aguenaxau', nache qami' seỹaxanoto da Aỹem qañe'eguelaxachem ana ilopi qagueta, nache qami' ñeqateeguesopa da qauloitague' anamayepi, yaqto' saishet da queta da maiche qantelleetapeguela't, seuotaxanec qome ana ilopi qagueta, yaqto' saishet da queta da qollequiitac.

Nahúm 2:13

Qaq da la'aqtac Ñim Nataxala' maye Qaica ca Ỹaqalanapec, 'eeta': «Aỹem 'am ñanaỹa nagui da 'am sataỹa'aguet, nache savigaxat anam 'aigonapi maye 'analaataxaquipi, nache nda'a't nmala'q ñaqa'en anamayepi, qataq serolec ca ỹeelonec na 'aỹa'alaqpi da salauat, nache imeuo ñaqa'en da ncachaxac nam 'ana'alhua, huaña nache saishet da qaltaq qaỹa'axaỹa nam 'ara'aqtaxanaxanecpi».

Jeremías 17:3

qataq ana qasoxonaxapi maye huetalec na no'onaxa. Qaq souaxat na 'arasouaxashetpi, nache so'ot qome da qaicachiỹa da 'arsallaxa qataq na no'on 'ogoxotpi qataq qaỹacona nam hueta'a anam qaỹoqotcheguemecpi 'alhuapi maye saq qaishetapec maye hueta'a 'enauac yem 'ana'alhua.