Jeremías 21:10 - La'aqtaqa Ñim Lo'onatac 'Enauacna 2013

¹⁰ Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Jeremías 21:10 Referans Kwoze

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Ezequiel 15:7

Aỹem sataỹa'aguet qome namayepi. Namayepi dataueeguesop qome ca norec qalaxaye ca lỹa norec loxonec qome namayepi. Qaq qom sataỹa'aguet namayepi, nache ỹaỹaten da nachaỹem maye Aỹem Nataxala'.

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Jeremías 39:8

Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Jeremías 38:3

Ñim Nataxala', 'eeta': Ne'ena huaqta'a't nỹecpi loxonec qome na nalleppi ñi nta'a ye Babilonia. Ñimaye ỹacona qome namaye, nache qaica ca ishet da naneltaxan.»

Jeremías 34:2

«Aỹem Nataxala' maye Natamnaxala' na Israel le'ecpi, 'am samaq da 'anqo'oneua'a ñi Sedequías maye nta'a na Judá, nache qonapega, qoneta: 'Eeta' da la'aqtac Ñim Nataxala': Aỹem so'ot qome da ñi nta'a ye Babilonia loxonec ne'ena huaqta'a't nỹecpi, nache ỹavigaxat qome.

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Salmos 34:16

Ñim Nataxala' dataỹa'aguet na ỹo'ottac na qauemsat, da yaqto' ỹapalaxat da le'enaxat namayepi da huetalec ana 'alhua.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Jeremías 33:5

Na Babilonia le'ecpi anac da yaqto' iloquiaxan na huaqta'a't nỹecpi nache nlaxatchigui namaye na leuaxaicpi. Qaq souaxat da ỹayeloxo qataq da inogoxonaxac, nache saishet da selogui ne'ena huaqta'a't nỹecpi, qaq seque'emaqchet namayepi souaxat 'enauac nam ỹo'otpi maye qauem.

Jeremías 39:16

«Qojec qome 'anqo'ona ñi Ébed Melec, ñim Etiopía le'ec nache qonapega, qoneta': Ñim Nataxala' maye Qaica ca Ỹaqalanapec qataq Natamnaxala' na Israel le'ecpi, 'eeta': Aỹem sepactelec qome dam sa'axatta'a co'ollaxa da talec ne'ena huaqta'a't nỹecpi, qaq damaye qauem, qaq saishet da 'onaxaic. Qaq qom yo'oq damaye nache 'am 'auauaachigui qome.

Ezequiel 24:11

qaq ime nache 'aỹa'anangui ca norec aca taxaqui qui'itchigui, nache ivitta'a 'anqa'en da chauec na le'eraxa yaqto' ñeuec na lcochaxa; ¡qaq 'era da 'eetec qome da yaqto' ñeuec na lcochaxa!

Amós 2:5

Qaq ỹoqo'oye sauo'o qome ca norec da ỹavic ñaqa'en ye Judá, nache que'eca norec nlachiguiñi naqa'en qome na nma' lta'araicpi ye Jerusalén.

Jeremías 38:17

Nache so Jeremías, 'enapega so nta'a Sedequías, 'eeta': Ñim Nataxala' maye Qaica ca Ỹaqalanapec, qataq Natamnaxala' na Israel le'ecpi, 'eeta': Da 'anañanot nam ltauapi ñi nta'a ye Babilonia, nache 'am qataq na 'aỹa'alaqpi nca'alec qome, qataq ne'ena huaqta'a't nỹecpi saishet qome da qoỹegueua'a.