Jeremías 20:9 - La'aqtaqa Ñim Lo'onatac 'Enauacna 2013

⁹ Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Jeremías 20:9 Referans Kwoze

Salmos 39:3

Añi iquiyaqte ỹataqta napaqhuec naqa'en ana itogue, qaq souaxat da seuennataxaateguelec de'era, nache so norec 'eroigui naqa'en aỹem, nache ishet da ñasaxauec da ỹa'aqtac, 'eeta':

Hechos 4:20

Cha'aye qomi' saishet da saxanaxañi da sa'axataqtac 'enauac nam sauanaqchigui qataq nam sa'axasoqchigui.

Ezequiel 3:14

Qaq huaña nache da la'añaxac Ñim Nataxala' aỹem nachaalataxaañi, nache aỹem nqateeguesop yemaye, qaq aỹem ashec qalaxaye ỹataqta saquico, qataq qaica ca ỹamaic, qaq Ñim Nataxala' nache queto'ot da aỹem nllechiguiñi na lhuaq.

Hechos 17:16

Qaq so Pablo co'ollaq hueta'a ye nỹecpi ye Atenas da iuattrapigui so Silas qataq so Timoteo, nache ỹataqta qaica ca lama' souaxat da imeteetac se'eso nỹecpi da ỹataqta nlaqchigui na ne'enaqtacpi maye qanatameetacot.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

Lucas 9:62

Nache So Jesús 'enapego' 'eeta': –Saishet da ỹaỹamaxañi da qanayeetaigui da lo'onataxanaxac Ñim Lo'onatac 'Enauacna, nache qaỹe'enaxat dam qauem lataxac ca ỹale maye ỹo'ottac na 'alhua. Cha'aye ca na'ayisheguem ca na'alhua da namata'ague na l-laq, nache ca lo'onatac camaye ỹataqta namaxagui.

Hechos 18:5

Qaq co'ollaq nvilye' so Silas qataq so Timoteo, chegoqra'a ye 'alhua Macedonia, nache so Pablo ỹataqta nalemaqteguet da ỹa'axattac da la'aqtac Ñim Lo'onatac 'Enauacna, da ỹataqta da'aqtaxaatem na judiopi da So Jesús, Somaye nacheso So Lca'aguishec Ñim Lo'onatac 'Enauacna maye qaiuattaique.

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Jeremías 23:9

Da na'aqtaxanaxac maye talec na na'aqtaxanaxanecpi, 'eeta': Aỹem ỹataqta qaica ca ilagaqa', 'enauac na ỹo'oc da ỹataqta cholaxan, 'eco' da aỹem taxaic, sheeta'am ca shiỹaxaua maye mashe quichigui na lataxa, souaxat Ñim Nataxala' qataq naua qui'itte' la'aqtaqa.

Jeremías 23:29

Naua ỹa'aqtaqa 'eeta'am ca norec, qataq 'eeta'am aca ntoqnaxanaqte lcat maye ishet da ilaxachigui ca coma'. Qaq 'era da ỹa'aqtac Aỹem Nataxala'.

Ezequiel 3:3

huaña nache aỹem 'enapega, 'eeta': «'Auoxonañi ana'ana nere maye 'am sanem, nache 'anlaxatchigui qome ana 'ara'am anamaye.» Nache aỹem sachec nache ñanomteguet da ỹataqta ama 'eeta'am na dapic lli'i.

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.