Jeremías 20:2 - La'aqtaqa Ñim Lo'onatac 'Enauacna 2013

² nache damaxasoxoolec da qaiuaxan qataq qaicoñerai', qoỹanagui so ncoñetaxanaxat 'epaq maye naña so lta'araic nasom so Benjamín maye saqaỹapeque aso atamnaxaqui.

Jeremías 20:2 Referans Kwoze

Jeremías 37:13

Qalaxaye co'ollaq ivireua'a so Nasom so Benjamín, nache huo'o sa ỹale maye le'enaxat Irías som llalec so Selemías qataq laual so Jananías maye lataxala' na nauanaxanaxanecpi, somaye nllañi so Jeremías, nache 'enapega 'eeta': ¡'Am qache huotaique da 'auauaxaiguet na caldeopi!

Zacarías 14:10

Qaq 'enauac qome ne'ena 'alhua ỹe'eguelaxa da 'eeta'am ca nalochiguiñi 'alhua, chegoqchiguiña ye Geba nache ivitta'a ye Rimón, maye pa'aỹa'ague da taguiñi ye Jerusalén. Nache ye Jerusalén ỹataqta 'amaqtaqaic qome, qataq nache qanayeetaña qome yemaye, chegoqchiguiña ñi ñegueuo ye Benjamin, nache ivitta'a ñi ñegueuo maye naña añi lamaqai, yem naña co'ollaxa som togoshec lasom, qataq chegoqchiguiña añim nalloxolate maye le'enaxat Jananel, nache ivitta'a añim no'onataxaqui na aceite maye lalamaxat so nta'a.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

2 Crónicas 16:10

Huaña nache so Asa, ỹataqta dalemataỹa so na'aqtaxanaxanec, nache damaxasoxoolec da qoỹanaigui aso ncoñetaxanaxaqui. Nataqa'en nache huetoiguilo se'esoua na'axa'te da so Asa, huo'o so ỹataqta sa iyacnapecpi se'eso nhuo' le'ecpi.

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Jeremías 29:26

Ñim Nataxala', 'am ỹanagui da 'am ntaxaỹaxanaxanec da 'anmeneguet so Joiadá, da yaqto' 'aulo'ogue añi atamnaxaqui. Qaq da huo'otaq huo'o ca nvireuo maye huo'o da aloic, nache da da'aqtaxan da 'eetega na'aqtaxanaxanec, nache 'am iuen da 'aỹa'anagui camaye ca ncoñetaxanaxaqui 'epaq qataq 'aucoñerai' 'auauota'a ca ncoñetaxanaxat lcat.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

1 Reyes 22:27

Nache qoñiỹapegalo caamaye da maiche ỹa'aqtac da qaỹapoua'a, qoỹanaigui aca ncoñetaxanaxaqui, qataq da qaiquia'axan, nache ndotec aca nauole, qataq 'etaxat ca qoỹaata'am, ivitta'a qom qaltaq ye'eguelaq da qaica cara, da ñachaalataxac.

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Hechos 5:40

Nache 'enauac somayepi ỹaỹamaxareeta da 'enapec so Gamaliel. Nache qaiỹaxaneugalo soua Jesús lamaxa'she, nache qaỹalasheeta'ape qataq qoỹeetegalo da saishet da ỹa'axattrac da na'aqtaguec So Jesús. Ime, nache qaisore'c.

Hechos 5:18

Qaq ỹoqo'oye damaxasoxoneugalo da qaỹaconeua'alo da yaqto' qoỹaaraigui aca ncoñetaxanaxaqui late'erai yem nỹecpi.

Hechos 4:3

Nache qaỹaue'c soomaye da qaicoñe't, nache qoỹanaiguilo aso ncoñetaxanaxaqui. Nache qaiuata'aguet so lỹa na'a'q, cha'aye mashe avit.

Mateo 21:35

Qalaxaye se'eso 'onataxanaxaicpi ỹaconeua'alo se'esoua namaxa'she. Nache iuaxaatac, qataq huo'o na ỹalauat, qataq huo'o na ỹasaq na coma'.

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

Da na'aqtaguec so Job 13:27

Ỹataqta 'aucoñetchiyiñi naua ichel, qataq 'aulochiguilo naua iqauaxaqui', qataq ỹataqta 'aualte' naua lliguiyiñi naua ỹapia'ate.

2 Crónicas 18:23

Huaña, nache so Sedequías, som llalec so Quenaná, ca'ata so Micaías, nache iuaxangui na lanoc, nache 'eeta': Che ¿hua'ago' ca tateuga se'eso lamaxashec Ñim Nataxala', co'ollaq aỹem ca'ai da yaqto' 'am detaxaỹot?

Da na'aqtaguec so Job 33:11

nache ỹanaguilo naua ichel so lcoñetaxanaxat, qataq ỹataqta nauaata'ape naua iqauaxaqui'.»

1 Reyes 13:4

Nache so nta'a Jeroboán, co'ollaq hua'axaỹa da la'aqtac so na'aqtaxanaxanec, da detaqtega aso nca'atoxonaxalate maye naña ye Betel, nache so nta'a nauaxaỹaxaasheguem na lhuaq, huaña aso nca'atoxonaxalate, nache 'eeta': «¡Ña qauacoñiiua'a damaye!» Qalaxaye so lhuaq maye nauaxaỹaxaasheguem somaye nache deqaqa, nache saishet da qaltaq iraxan.

Jeremías 26:10

Qaq som nataxala'pi ye Judá co'ollaq ỹaỹaten de'era, nache chegoqchiguiña so lma' lta'araic so nta'a da taita aso atamnaxaqui, qaq co'ollaq ivitta som le'enaxat Dalaxaic Lasom nache nso'ooñi.

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.