Jeremías 20:10 - La'aqtaqa Ñim Lo'onatac 'Enauacna 2013

¹⁰ Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Jeremías 20:10 Referans Kwoze

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Salmos 31:13

Qataq aỹem huo'o da sa'aqtega na shiỹaxauapi da nsoxootega't, 'eeta': «Huo'o da ncolanaxa 'enauaque naua laỹel.» Qataq namayepi 'eeta'am da 'oonolec ỹale da huaxaỹa't da aỹem npa'agueetega, da nshetaique da nqat da ñachaalataxac.

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Hechos 24:13

Qaq ne'ena shiỹaxauapi saishet da huo'o ca ỹoqta 'eesa 'enauac nam 'eetega da ỹasouaxashet.

Ezequiel 22:9

Qaq souaxat na latenataxanaxacpi namayepi, nache nam 'am hueta'api, huo'o na ỹasouaxateguet da ileu ñi lỹa, qataq huo'o na ỹalectaua'a na nquia'axacpi maye huaña ana lcomaraxalatepi da qaỹo'oxoren na nqolacpi, qataq ỹo'ot na lataxacpi maye qaiqaiga.

Jeremías 6:25

¡Saishet da qanqo'oñiuga na no'onaxa, qataq saishet da qoquiiguelo naua nqa'aico! ¡Cha'aye na qampa'aguenaxauaipi mashe na'atchiguiñi na lo'ogoxonaxat, qaq huo'o da lchec 'enauac na pa'aiguelo!»

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Da na'aqtaguec so Job 19:19

Qataq na ỹataqta ñauochaxauapi, qalaq aỹem ỹaỹemec, qataq na ỹauotaxatpi co'ollaxa, qalaq aỹem mpa'aguene'.

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

1 Reyes 19:2

Nache aso Jezabel ỹamaq so lamaxashec da 'enapega so Elías, 'eeta': «Na atamnaxala'pi ỹataqta aỹem sa ỹala'ac da ỹauo'o ca ñeuaxanaguec qonte', qom ñaq 'eeta'am nagui da saishet da 'am se'enaqteeteguet da qonetec ñi 'oonolec som 'aualauatpi na'aqtaxanaxanecpi.»

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

1 Reyes 22:27

Nache qoñiỹapegalo caamaye da maiche ỹa'aqtac da qaỹapoua'a, qoỹanaigui aca ncoñetaxanaxaqui, qataq da qaiquia'axan, nache ndotec aca nauole, qataq 'etaxat ca qoỹaata'am, ivitta'a qom qaltaq ye'eguelaq da qaica cara, da ñachaalataxac.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

Jeremías 20:3

Qaq so lỹa na'a'q, nache damaxasoxoolec da qanqat so ncoñetaxanaxaqui 'epaq maye netagui so Jeremías, qaq huaña nache so Jeremías 'enapega somaye, 'eeta': «Ñim Nataxala' naralaxat da 'are'enaxat, qaq nagui saishet da 'are'enaxat Pasjur, maye 'are'enaxat nagui da Magor Misabib.

Jeremías 37:13

Qalaxaye co'ollaq ivireua'a so Nasom so Benjamín, nache huo'o sa ỹale maye le'enaxat Irías som llalec so Selemías qataq laual so Jananías maye lataxala' na nauanaxanaxanecpi, somaye nllañi so Jeremías, nache 'enapega 'eeta': ¡'Am qache huotaique da 'auauaxaiguet na caldeopi!

Daniel 6:4

Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.

Salmos 31:14

Qalaxaye aỹem, 'Am Nataxala', ỹataqta 'am sepe'etega, nache sheeta': «Nache 'am maye 'Am Ñatamnaxala'.»

Salmos 41:10

Qalaxaye 'am Nataxala', aỹem 'auchoxoren qome, aỹem 'aỹa'anem da soosheguem, yaqto' sanem ca 'itchiguiñi nhuaxanaguec.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»