Jeremías 2:6 - La'aqtaqa Ñim Lo'onatac 'Enauacna 2013

⁶ Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 2:6 Referans Kwoze

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Mateo 4:16

Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Oseas 12:13

Qaq Ñim Nataxala' ỹachegoxotchigui so 'oonolec na'aqtaxanaxanec, da nqateeguesop ye Egipto na Israel le'ecpi, qataq do'ogoxona so 'oonolec na'aqtaxanaxanec da ilotague' namayepi.

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Salmos 77:5

Qaq huo'o naxa da tachigui ye iuel soua hua'au' na'axa'te, qataq soua hua'au' vi'iye,

Salmos 23:4

Qaq na'aictaxa da shectangui ca ỹataqta napalñi ca'amegue, qalaq saishet da huo'o ca she'etaique, cha'aye 'Am Nataxala', aỹem qoueta'aguet, aso 'arashelte qataq so 'ampon, ỹataqta aỹem ỹa'añaqche't.

Da na'aqtaguec so Job 35:10

Qalaxaye qaica ca denataxaataique ca neta'ague Ñim Lo'onatac 'Enauacna maye qomi' lo'onataqa, maye qomi' ỹanema da qara'añaxac ye pe,

Da na'aqtaguec so Job 3:5

¡'Onaxaictoxo' da anac co'ollaxa ca napalaxa qataq ca sansatchiguiñi lpaqal maye dalaataxanapec, nache ỹapolec na lpaqal na lo'oc na piguem, huo'otaq ca lta'araic napalaxa maye ỹo'ot da lta'araic ncolanaxa!

2 Reyes 2:14

Ime, nache do'ogoxona som lapo' so Elías, da iuaxaangui so 'etaxat, nache na'axannec da la'aqtac, 'eeta': «¿Hueta'ague cam Nataxala', maye Natamnaxala' so Elías?» Qalaxaye co'ollaq choche iuaxangui so 'etaxat, nache colaxara'ache, nache so Eliseo, qaltaq ỹe'eguelaxatague da le'ego so tala.

Jueces 6:13

Nache so Gedeón ỹasateguet somaye, 'eeta': «'Am Ỹataxala', da qomi' hueta'agueta Ñim Nataxala', nache ¿ta'ainco' da qomi' taleguete 'enauac ne'ena qauempi? ¿Qaq hueta'ago' 'enauac ca lta'araicpi ño'oxoyecpi maye sa qaỹauanapegapi maye qomi' da'aqtaxaatapeguema naxa som hua'au qarta'alpi, da Ñim Nataxala' qomi' nqateeguesopa co'ollaxa ye Egipto? Qaq nagui Ñim Nataxala' qomi' ca'aisalo, nache qomi' ỹanegueta da la'añaxac ye madianiitapi.»

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Deuteronómio 1:19

«Nache salaxasoxoguet da lamaxasoxonaxac Ñim Nataxala' maye Qanatamnaxala', nache qolqa'ai ye Horeb da ñeqo'onaxa aye qasoxonaxapi maye huaigui ye na'alhua na amorreopi. Nache sa'axasoxonaxalec ye ỹataqta qalochiguiñi toolec 'alhua, maye mashe qauauañiỹa qataq seviraqta'a ye Cadés Barnea.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Jeremías 51:43

Nam lalamaxat huaqta'a't nỹecpi maye ỹotta'a't naua nañalo qalaq ỹe'eguelaxa da tooleguete, nache na 'alhua ỹataqta deqaqta, qataq nlachiguiñi, nache qaica ca ishet da nalec, huo'otaq da choche nlectelec.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Jeremías 5:12

Na Israel qataq na Judá, qaica naqa'en Ñim Nataxala'; namayepi 'enapec: «Qaica cam Lo'onatac 'Enauacna. Qaq saishet qome da qomi' taleguete ca qauem, qataq saishet qome da ñeque'etaxanaxagui ca alaataxac qataq ca nqouaxa.»

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.